Elimizde tótenshe jaǵdaı engizilip, Almaty alǵashqy qalalardyń qatarynda karantınge alynǵannan keıin, megapolıste úısiz-kúısiz kúneltip júrgen jandarǵa qatysty jýrnalıster tarapynan qaıta-qaıta másele kóterilgen bolatyn. Indet jaılaǵan kúnderde onsyz da taǵdyr tálkegine túsken jandar qaıda baryp panalaıdy? Olardy kúnkóris úshin ary-beri sandaltpaý, azyqtandyrý isin qalaı tıimdi uıymdastyrýǵa bolady?
BAQ tarapynan qaıta-qaıta qoıylǵan osy saýalǵa Almaty qalasy ákimdiginiń baspasóz qyzmeti tómendegideı jaýap berdi.
Sonymen, bul kúnderi shahardaǵy Áleýmettik beıimdeý ortalyǵynda turaqty turaǵy joq 152 turǵyn bar kórinedi.
Almatydaǵy Áleýmettik beıimdeý ortalyǵyn turaqty turaǵy joq 152 turǵyn panalaıdy. Ortalyqtyń jumysy shtattyq rejımde jalǵasýda.
Áleýmettik ál-aýqat basqarmasynyń málimetinshe, atalǵan mekeme áleýmettik-turmystyq, áleýmettik-psıhologııalyq jáne áleýmettik-medısınalyq qyzmetterdi tolyq kólemde ári úzdiksiz kórsetip keledi. Engizilgen karantınge baılanysty qyzmet alýshylardyń ortalyq aýmaǵynan shyǵýyna shekteý qoıyldy.
Búginde turaǵy joq azamattardan ótinish túspegen. Dese de, barlyq jaǵdaı baqylaýda. Turaqty turaǵy joq azamattar úshin Kóksaı kentinde arnaıy ǵımarat bólindi. Belgili turaǵy joq azamattar bul jerdi karantın bitkenge deıin panalaı alady.
Biz bul máselege qaıta oralyp, osynyń anyq-qanyǵyn egjeı-tegjeıli qozǵaıtyn bolamyz.
ALMATY