Ústimizdegi jyldyń qańtar aıynyń aıaǵynda Soltústik Qazaqstan oblysy Ýálıhanov aýdanynyń bir turǵyny úıine ury túsip, shaǵyn seıfti kóterip ketkeni týraly shaǵymdanǵan bolatyn. Belgisiz qylmysker úıdiń esigindegi qulypty julyp tastap, alyp ketken seıfte 2 mıllıon teńgeden astam qarajat pen altyn buıymdar bolǵan eken.
Atalǵan fakti Qylmystyq kodekstiń 188-babynyń 3-bóligi «Urlyq» boıynsha sotqa deıingi tergep-tekserýdiń biryńǵaı tizilimine engizilgen. Polısııa qyzmetkerleri eki aı boıy izge túsip, barlyq boljamdardy indetken. Kelip túsken aqparattar men beınekameralardan alynǵan jazbany salystyra otyryp, sondaı-aq kózge túsken barlyq kólik quraldaryn teksergen tergeýshiler Kókshetaý qalasynyń 1967 jyly týǵan, buryn múliktik qylmystar úshin sottalǵan turǵynynyń izine tústi. Kúdik rasqa aınalyp, jedel-tergeý áreketterin júrgizý barysynda qymysker laqtyryp jibergen seıf pen urlanǵan zattardyń bir bóligi tabyldy.
Ýálıhanov aýdany polısııa bóliminiń bastyǵy, polısııa podpolkovnıgi Marat Áljanovtyń aıtýynsha, kúdiktige qatysty mindetti kelý túrindegi bultartpaý sharasy qoldanyldy. Ol keltirilgen shyǵyndy tergeý barysynda ótegen.
Soltústik Qazaqstan oblysy