Buǵan deıin vatsap messendjeri arqyly 29 naýryzdan bastap Qostanaı, Lısakov, Rýdnyı, Tobyl qalalary karantınge jabylyp, oblystyń barlyq kúre joldaryndaǵy kólik qozǵalysyna tyıym salynady degen jel sózdi taratqan 28 jastaǵy er adamnyń qylmystyq jaýapkershilikke tartylǵany týraly habarlaǵan edik. Azamat Meńdiqara aýdanyna qarasty Qasqat eldi mekeninde turady, esimi Vladımır eken.
Polısııa departamenti bul azamattyń Qostanaı oblysynyń turǵyndarynan keshirim suraǵanyn málimdedi. Ol áleýmettik jelide jarııalanǵan aqparatty durys túsinbeı qalǵandyqtan, bilmestikpen dúıim eldi dúrliktirgen jańsaq habar taratqan.
Eldi de, ózin de áýrege salǵan azamat endi búgingideı aýyr kezeńde jurtty sabyrǵa shaqyryp, jalǵan aqparatqa ılanbaýǵa, tek resmı aqparattarǵa senýge úndedi. Kópshilikke arnaǵan bul keńesin ol beınejazba arqyly taratqan.
Polısııa atalmysh derekke qatysty tekserý júrgizip jatyr.
Qostanaı oblysy