Bul týraly oblystyq qoǵamdyq kommýnıkasııa ortalyǵynda ótken brıfıngte Mańǵystaý oblysy din isteri basqarmasynyń basshysy Mahanbetov Maqsatbek Shahzadauly men Qazaqstanmusylmandary dinı basqarmasy Mańǵystaý oblysynyń bas ımamy Eljanov Ánýar Izimbaıuly.málim etti.
Búginde álemdi alańdatqan koronavırýs indetinen oblys turǵyndaryn saqtandyrý jáne qorǵaý sharalary júrgizilýde. Sonyń ishinde óńirdegi din salasy da erekshe nazarǵa alynyp, saqtyq sharalary kúsheıtildi.
Naýryz aıynyń 16-nan bastap sáýir aıynyń 15-ne deıin Qazaqstan Respýblıkasynyń barlyq aýmaǵynda jarııalanǵan tótenshe jaǵdaıǵa baılanysty, Din isteri basqarmasy óńirdegi barlyq dinı birlestikterge tótenshe jaǵdaı ýaqytynda ǵıbadat úılerde qulshylyq etý rásimderin ýaqytsha toqtatý týraly habarlamalar taratty.
- Oblysta Qazaqstan musylmandary dinı basqarmasyna qarasty 33 meshit jáne 11 dinı birlestik barlyǵy 44 birlestik qyzmet atqarady. Atalǵan dinı birlestikterdiń ishinde 36 synda ǵıbadat úıleri bar, qalǵan dinı birlestikter jeke meken-jaılarynda ornalasqan.Tótenshe jaǵdaı jarııalanǵannan bastap dinı birlestikter túsinistikpen qarap, ujymdyq qudaıǵa qulshylyq etý, dinı joralǵylar, jınalystar men rásimderin ótkizýdi toqtatty. Meshitter men ǵıbadat etý úıleri ashyq, biraq adamdar jınalmaıdy – dedi Qazaqstan musylmandary dinı basqarmasynyń Mańǵystaý oblysynyń bas ımamy Eljanov Ánýar Izimbaıuly.
Qosymsha dinı birlestikterdiń barlyǵyna tótenshe jaǵdaıdyń talaptaryn buzý ákimshilik quqyq buzýshylyqqa ákelip soǵatyny túsindirilgen. Osy oraıda din isteri basqarmasy aptanyń ár juma, jeksenbi kúnderi monıtorıng jasap, qadaǵalap otyrady.
Barlyq dinı birlestikterdiń ǵımarattarynda qosymsha sanıtarlyq-epıdemııalyq sharalary kúnine 2 kezek jáne ǵımaratty esik-terezelerin ashyp jeldetý sharalary qolǵa alynǵan.