Aqtaý qalalyq kásipkerlik bóliminiń basshysy Baýyrjan Sapanyń aıtýynsha, bas memlekettik sanıtarııalyq dárigerdiń qaýlysyna sáıkes oblys ortalyǵynda arnaıy jumys toby qurylǵan. Onyń quramynda qala ákimi men orynbasarlary, quqyq qorǵaý organdary, taýarlarmen kórsetiletin qyzmetterdiń sapasy men qaýipsizdigin baqylaý basqarmasy men ózge de memlekettik mekeme ókilderi bar.
Qala ákimniń tóraǵalyǵymen atalǵan jumys toby kúndelikti saǵat 09.00-de shtab otyrysyn ótkizip keledi.Ákimdik ǵımaratynda ashylǵan Call-ortalyǵy 24 saǵat jumys jasaıdy. Ortalyqqa búginge deıin 22 turǵyn túrli máselelermen habarlasypty.
- Qazirgi tańda jumys jasap turǵan 14 bazardyń azyq-túlik satý bóliginde sanıtarlyq-dezınfeksııalyq jumystaryn kúndelikti júrgizip, qyzmetkerler men kelýshiler úshin arnaıy antıseptıkalyq zattardy ornatý jóninde tapsyrmalar berildi. Bazarlar qalypty rejımde jumysyn jasaýda. Bazarlardyń kıim-keshek jáne ózge de taýarlar satý bóliginiń jumys ýaqyty saǵat 11:00-den 17:00-ge deıin shekteldi. Qala aýmaǵynda 5 mal bazary bar. Úsheýi sanıtarlyq-dezınfeksııalyq sharalaryn saqtap, qalypty rejımde jumys jasaýda, 2 jabyq. Iri saýda oryndaryna áleýmettik mańyzy bar 19 túrli azyq-túlikke kúndelikti monıtorıng júrgizilýde, deıdi B.Sapa.
Tótenshe jaǵdaı merziminde Aqtaýdaǵy 2 meshit, 41 toıhana, 29 kompıýter jáne oıyn klýbtary, 4 kınoteatr, saýda-kóńil kóterý ortalyqtaryndaǵybalalar oıyn alańdary, 25 mektep, eki qosymsha bilim berý ortalyǵy, 28 sport zal, 6 basseın, 33 fıtnes ortalyǵy jumysyn toqtatty.
Sondaı-aq 81 memlekettik jáne jekemenshik balabaqshaqalypty rejımde jumys jasaýda. Jalpy sany 15 myń 122 balanyń tórt myńy tárbıe alýda, qalǵany demalysta.
- «Biz birgemiz» - «Nur Otan» partııasy aksııasy aıasynda qalanyń jalǵyzbasty, kópbalaly, mújálsiz 260 otbasyna kásipkerler, qoǵamdyq uıymdar tarapynan azyq-túlik jáne qorǵaný quraldary tegin berildi. Bul rette «Atadan Mıras» qory qalanyń jalǵyzbasty, kópbalaly, az qamtylǵan 100 otbasyna áleýmettik kómek kórsetti, deıdi Baýyrjan Sapa.
Qala boıynsha kásipkerler tarapynan 9300 dana betperde tigildi, onyń 800 danasy múgedekter men mújálsiz adamdarǵa, qala turǵyndaryna tegin taratyldy. 2500 danasy dárihanalar men atelelerde satylǵan.
Shahar aýmaǵyndaǵy 1062 kóp qabatty turǵyn úıge qyzmet kórsetetin 77 páter ıeleriniń tutyný kooperatıvteri (KSK) bar. Onyń 52-si búgingi tańda 703 turǵyn úılerdiń dálizderine sanıtarlyq-dezınfeksııalyq jumystary júrgizilýde.
Mańǵystaý oblysy