«Sanaly Urpaq» respýblıkalyq jobalaý keńsesiniń basshysy Qaıyrjan Tokýshev «Sybaılas jemqorlyqqa qarsy mádenıetti qalyptastyrý» taqyrybynda onlaın dáris ótkizdi.
Onlaın formatyndaǵy dáriske Abaı atyndaǵy QazUPÝ birinshi prorektory, Ádep jáne sybaılas jemqorlyqqa qarsy is-qımyl jónindegi ýákili Maqtaǵalı Bektemesov, «Parasat» ortalyǵynyń dırektory Qambar Ýsıpov jáne qurylymdyq bólim basshylary men ınstıtýt dırektorlarynyń orynbasarlary qatysty.
Respýblıka boıynsha dáriske qatysqan 50-den astam sala mamandary sybaılas jemqorlyqqa qarsy mádenıetti qalyptastyrý boıynsha is-sharalardy uıymdastyrý baǵyttary, mekemede ishki jáne syrtqy monıtorıng qalaı júrgiziletini, sybaılas jemqorlyqqa qarsy standarttardyń saqtalýyn baqylaýdyń mańyzdylyǵyna qatysty suraqtarǵa jaýap aldy. Dáris barysynda Qaıyrjan Tokýshev agenttik tarapynan atqarylyp jatqan jumystarǵa toqtalyp, qatysýshylardyń suraqtaryna jaýap berdi.
ALMATY