Búgin, 28 naýryz, tús kezindegi epıdemıologııalyq jaǵdaıǵa sáıkes, Almatyda koronavırýs indetin juqtyrǵan 10 oqıǵa anyqtalyp, rastaldy.
Búgingi kúnge deıin 58 jaǵdaı tirkelse, onyń ekeýi emdelip shyqty. Qazirgi ýaqytta qaladaǵy juqpaly aýrýlar stasıonarynda 56 naýqas bar, sonyń ekeýi bala.
Jańadan anyqtalǵan 10 naýqastyń beseýi 27 naýryzda Sankt-Peterbýrg–Almaty reısimen, bireýi 26 naýryzda Ystambul–Almaty, al qalǵan ekeýi Máskeý–Almaty reısimen ushyp kelgen. Taǵy ekeýi indet juqtyrýshylarmen baılanysta bolǵan.
Barlyq naýqastardyń jaǵdaıy qanaǵattanarlyq. Jalpy, búginde em-dom qabyldap jatqan 51 naýqastyń jaǵdaıy qanaǵattanarlyq. Tek bir eresek naýqastyń jaǵdaıy aýyr bolsa, tórt emdelýshiniń jaǵdaıy ortasha, onyń ishinde bala da bar. Provızorlyq ortalyqtarda 854 adam bar, onyń 86-sy bala.
Úı karantıninde 2037 adam jatyr.
ALMATY