Eldegi koronovırýsqa qarsy jarııalanǵan Tótenshe jaǵdaı jastardyń mindetti áskerı qyzmetke shaqyrylýyn da keıinge qaldyryp otyr. Bul ýaqytta basy qazandaı qaınap jatatyn qalalyq jáne oblystyq áskerı komıssarıattardyń aldy qazir typ-tynysh.
Eger TJ bolmaǵanda Soltústik Qazaqstan oblystyq áskerı komıssarıaty bıylǵy kóktemde 500-ge jýyq jasty áskerge shaqyrýdy josparlaǵan eken. Shaqyrý merzimi 1 naýryzda bastalyp, maýsym aıynda bir-aq aıaqtalatyn. Al birinshi jıyn 13 naýryzda áskerge attanyp ta ketetin edi. «Endi, Tótenshe jaǵdaıǵa baılanysty, biz barlyq jumysymyzdy doǵaryp qoıdyq. Eger 15 sáýirde TJ aıaqtalatyny jarııalansa óz jumysymyzǵa shuǵyl kirisemiz. Byltyrǵy kúzde bizdiń Soltústik Qazaqstannan 487 azamat áskerge alynǵan. Olardyń bári Qazaqstannyń qorǵanys salalarynda, shekara kúzetinde jáne t.b. óz mindetterin atqaryp júr deıdi», oblystyq qorǵanys
Keıbir jastar ózderiniń mindetterin tezirek atqaryp tastamaǵanyna da ókinish bildirýde. «Bıyl kóktemde alynǵanda kúzge deıin jarty jyl merzimimdi atqaryp tastaıtyn edim. Ar jaǵynda JOO-ǵa túsýge daıyndalatyn edim», dep ókinish bildirdi Samat Álibekov degen jas jigit. Biz oǵan eń bastysy amandyq ekenin, elimiz indetten aman qutylsa, áskerge barý qashpasyn aıtyp jatyrmyz.
PETROPAVL