Búgin, 28 naýryz kúni Almatyda qalalyq balalar juqpaly aýrýlar aýrýhanasynan COVID-19 anyqtalǵan 12 jasar qyz emdelip, úıine shyqty.
Ol vırýsqa qarsy emdeý men sımptomatıkalyq terapııanyń tolyq kýrsyn aldy. Aýrý jeńil túrde ótti.
Esterińizge sala keteıik, qyz 13 naýryzǵa qaraǵan túni Berlın-Mınsk-Almaty charterlik reısimen ushyp kelgen bolatyn. Ekıpajdy qosa alǵanda barlyq bort oqshaýlanǵan.
Nátıjesinde, bul – búgingi kúni stasıonardan shyqqan úshinshi naýqas.
Barlyq bosatylǵan naýqastar klınıkanyń medısınalyq qyzmetkerleriniń baqylaýymen úıge 14 kúndik karantınge jiberildi.