Karantın jáne tótenshe jaǵdaı kezinde 55 jastan asqan elordalyq turǵyndarǵa kóshege shyǵýdy shekteýge keńes beriledi. Bul týraly Nur-Sultan qalalyq ákimdiginiń resmı saıty habarlady.
Eger jumys ornynan anyqtama nemese jeke kýálik bolsa, turǵylyqty jerinen jumys ornyna jáne keri baǵytta qatynaýǵa ruqsat etiledi. Sonymen qatar, tamaq ónimderin, dári-dármekter men medısınalyq maqsattaǵy buıymdardy turǵylyqty jeri nemese jumys orny jaqyn ornalasqan dúkender men dárihanalardan satyp alýǵa, medısınalyq mekemege barýǵa, úı janýarlaryn turǵylyqty jerge jaqyn jerde serýendetýge shekteý qoıylmaıdy.
Nur-Sultan qalasy boıynsha koronavırýstyq ınfeksııanyń taralýyna jol bermeý jónindegi jedel shtabtyń sheshimimen kóppáterli turǵyn úılerde ornalasqan dúkenderge jumys kestesi saǵat 10:00 bastap 20:00 deıin bolyp belgilendi.