Almaty oblysynyń Qarasaı jáne Eńbekshiqazaq aýdanynyń eki turǵynynan koronavırýs belgisi tabyldy. Qazir aımaqta qaýipti indetke shaldyqqan adam sany altyǵa jetti.
- Qarasaı aýdanynyń Kemertoǵan aýylynda turatyn 41 jastaǵy áıeldiń vırýs juqtyrǵany anyqtalyp, Qarasaı aýdandyq ınfeksııalyq aýrýhanasyna jatqyzyldy. Oǵan qosa naýqaspen qarym-qatynasta bolǵan 6 adam, sonyń ishinde azamatshanyń kúıeýi men 2020 jyly týǵan sábıi de karantınge alyndy. Al vırýs belgisi anyqtalǵan ekinshi adam Eńbekshiqazaq aýdany Esik qalasynyń turǵyny. Ol óz aǵaıyn-týystarymen birge О́zbekstan respýblıkasynyń aýmaǵynda ótken úılený toıyna barǵan. Jeke avtobýs mingen 14 adamnyń О́zbekstannan kelgeni týraly málimetterdi Túrkistan oblysyndaǵy sanıtarlyq-epıdemıologııalyq mamandar habarlap, oblysqa kelgen bette olar provızorlyq stasıonarǵa jatqyzǵan. Sonyń ishinde 1960 jyly týǵan azamatshadan vırýs anyqtalyp, qazir ol da Qarasaı aýdandyq ınfeksııalyq aýrýhanasyna jatqyzyldy, al qarym-qatynasta bolǵan ózgeleri karantınde, - dedi oqıǵaǵa oraı málimdeme jasaǵan Almaty oblysy ákimniń baspasóz qyzmeti.
Almaty oblysy