Qazaqstannyń Ulttyq kollektorlar palatasy barlyq kollektorlyq agenttikterdi tótenshe jaǵdaı rejiminiń is-qımyldary men karantındik is-sharalar kezeńinde birqatar ýaqyttyq shekteýlerge qosylýdy ári ustanýdy usyndy.
Bul jóninde Qarjy naryǵyn retteý men damytý agenttiginiń qarjylyq qyzmetterdi tutynýshylardyń quqyqtaryn qorǵaý departamentiniń dırektory Aleksandr Terentev málimdedi.
Ulttyq kollektorlar palatasy qyzmetkerlerdi tótenshe jaǵdaı aıaqtalǵanǵa deıin Nur-Sultan jáne Almaty qalalary boıynsha qashyqtan jumys isteýge kóshirýdi usyndy. Sondaı-aq Nur-Sultan jáne Almaty qalasy boıynsha qaryz alýshylarmen jeke kezdesýlerge, qaryz alýshylarmen baılanysty tolyǵymen toqtatýǵa, karantınge jabylǵan turǵyn úı keshenderinde, úılerde ornalasqan boryshkerlermen ózara is-qımyldyń barlyq túrlerin toqtata turýǵa shaqyrdy.
Nur-Sultan jáne Almaty qalalary boıynsha saǵat 16.00-den keıin qaryz alýshylarǵa qońyraý shalý toqtatylsyn. Nesıe berýshilerdiń qaryz alýshylarǵa sotqa talap-aryz berýi úshin materıaldar daıyndaýdy toqtatsyn, – deıdi kollektorlar palatasynyń qyzmetkerleri.
О́z kezeginde, Qazaqstannyń ulttyq kollektorlar palatasy qashyqtan jumys isteýge kóshti. Kollektorlyq agenttikter úshin baılanys aqparaty: +701-887-74-01; Qaryz alýshylar shaǵymdar men ótinishterin: +7 700-183-83-03 nómiri boıynsha nemese info@collectors.kz saıty boıynsha bere alady.