Elimizdegi tótenshe jaǵdaıǵa baılanysty, Shymkent qalasynda koronavırýs ınfeksııasynyń taralýyna jol bermeý maqsatynda 2020 jyldyń 28-shi naýryzynda túngi saǵat 00:00-den bastap qosymsha shekteý sharalary engizildi. Talapqa saı, qoǵamdyq tamaqtaný oryndarynyń qyzmeti saǵat 10:00-den 18:00-ge deıin shekteldi.
Sonymen qatar, qoǵamdyq tamaqtaný oryndarynyń kireberisterinde zalalsyzdandyrý kilemshesi men klıentterdiń temperatýrasyn baqylaýǵa arnalǵan baılanyssyz tonometr bolýy tıis. Jáne qoldy zalsyzdandyrý suıyqtyǵy men qyzmetkerler bir rettik betperdemen jáne qolǵaptarmen qamtylýy tıis.
Osy baǵytta tekseriske shyqqan mamandar, ásirese, tamaqtaný oryndaryndaǵy talapty qatań baqylaýǵa aldy. Sanıtarlyq talaptardy oryndamaǵany úshin "Malıbý" "Metelısa" syndy tamaqtaný oryndaryna hattama toltyryldy.
«Biz qazir Respýblıka jáne B.Momyshuly kóshelerindegi qoǵamdyq oryndardy aralap shyqtyq. Búgin eskertýge qulaq asyp, talapty saqtamaǵany úshin 5 jeke kásipkerge qattama toltyryldy», deıdi Shymkent qalasy Ál-Farabı aýdany Polısııa basqarmasy JPB basshysynyń orynbasary Berik Shoıynbaev.