Atyraý qalalyq kásipkerlik jáne týrızm bóliminiń málimetine qaraǵanda, qazir 8 naýbaıhana úzilissiz jumys istep tur. Bularda táýligine 40 myń bólke nan pisiriledi. Al, «Dáýlet Nan» JShS-niń nan pisirý sehy óndiris qýatyn ulǵaıtýdy kózdep otyr. Munda osy kezge deıin táýligine 7 myń bólke nan pisirilgen. Endi bul kórsetkishti táýligine 15 myńǵa deıin kóbeıtpek.
- Qazirgi ýaqytta nan sehynda 90 adam jumys isteıdi. Jumysshylar sanyn qysqartpaımyz. Kerisinshe, biz qosymsha adamdardy jumysqa tartyp, jumysshylar qataryn kóbeıtemiz, -deıdi «Dáýlet Nan» JShS-niń ókili Farýh Abdýllaev.
О́ńirlik kommýnıkasııalar qyzmetiniń málimetinshe, Atyraý oblysynda 824 tonna un qory bar. Onyń 520 tonnasy turaqtandyrý qorynda saqtaýly tur. Jergilikti ákimdik tótenshe jaǵdaı kezindegi turaqtylyqty saqtaý úshin qosymsha 17 myń 115 tonna un satyp alýdy josparlap otyr.
Joldasbek KО́ShERBAIULY