Shymkentte dárigerler qolynyń súıegi maıdalanyp ketken 25 jastaǵy jigitke eki kezeńdegi kúrdeli ota jasady.
Operasııa jasalǵan azamattyń sózinshe, jumys kezinde qoly beton aralystyrǵyshqa qysylyp qalǵan. Sonyń saldarynan oń qolynyń súıekteri maıdalanyp, aýyr halde jedel járdem qyzmetimen aýrýhanaǵa jetkizilgen. Medısına mamandary jas jigittiń ómirin aman alyp qalý úshin shuǵyl túrde ota jasap, qolynyń maıdalanǵan súıekterin jınap berdi.
Birinshi kezeńdegi operasııada hırýrgtar jigittiń qolyndaǵy tamyrlaryn tigip, súıekterin qaıta qalpyna keltirgen. Munan soń, araǵa bir aı salyp, T.Orynbaev atyndaǵy gıperbarııalyq oksıgenasııa ortalyǵynyń hırýrgy Muhıt Dosybaevtyń jetekshiligimen naýqasqa ekinshi kezeńdi kúrdeli ota jasaldy.
Bul joly hırýgtar jigittiń jaraqattanǵan qolyna plastıkalyq ota jasaǵan. Naqtyraq aıtqanda deneniń basqa jerinen teri alynyp, qolyna japsyrýǵa týra kelgen. Dárigerdiń aıtýynsha, teri júz paıyz jabysypty. Naýqastyń qazirgi jaǵdaıy jaqsy.
- 19 aqpan kúni jumysta bolǵan qaıǵyly jaǵdaı. Alǵashqy kezde aman qalam dep oılamadym, qolym shashyrap ketti. Dáriger Muhıt Bastarbaıuly teri almastyrý otasyn jasap berdi. Qazirgi jaǵdaıym jaqsy. T.Orynbaev atyndaǵy gıperbarııalyq okstgenasııa ortalyǵynyń ujymyna alǵys aıtamyn, - deıdi em alýshy jigit.