Polısııa rejim tártibi boıynsha talap etilgen erejeler Qostanaı jáne Rýdnyı qalalarynda jıi buzylatyndyǵyn aıtyp otyr.
Tártip saqshylary saýda nysandary men qoǵamdyq tamaqtaný oryndaryn tekserý barysynda úsh kúnniń ishinde tártip buzǵan 144 qoǵamdyq nysandy anyqtaǵan. Tekserý nátıjesi satýshylar men daıashylardyń kóbi jumys ornynda maska taǵyp, qolǵap kııýdi bilmeıtinin kórsetip otyr. Sondaı-aq kóptegen dúkenderdiń kireberisine antıseptıkter ornatylmaǵan, nan-toqash ónimderi áli kúnge deıin beti ashyq kúıde satylýda.
- 27 naýryzdan beri jumys ornynda maskasyz júrgen 81, qolǵap kımegen 21 adam, sondaı-aq, antıseptık ornatpaǵan 35, nan-toqash ónimderin ashyq kúıde saýdalaǵan 7 dúken anyqtalyp, barlyǵy ákimshilik jaýapkershilikke tartyldy, - dep habarlady polısııa departamentiniń baspasóz qyzmeti.
Qostanaı oblysy