Qurlyqtyq hokkeı lıgasynyń oıyndary koronavırýs pandemııasyna baılanysty toqtaǵan soń QHL basshylyǵy maýsymdy jańa júıe arqyly jalǵastyrýdy jón dep tapqan eken.
Endi Gagarın kýbogynyń jeńimpazyn hokkeıshiler emes, jankúıerler daýys berý arqyly anyqtaıdy. Osyǵan oraı, búgin QHL-diń áleýmettik jelidegi resmı paraqshalarynda pleı-off kezeńiniń ekinshi onlaın daýys berý oıyny bastaldy.
Qurmetti jankúıerler, «Barys» Nur-Sultan qalasynyń komandasy bolsa da, QHL oıyndarynda el namysyn qorǵaıtyny belgili. Sondyqtan QHL-diń resmı paraqshalary arqyly (VK, Twitter, Odnoklassnık, Instagram) «Barysqa» daýys berińizder. Onlaın oıyn Nur-Sultan ýaqyty boıynsha túngi 23:00-ge deıin jalǵasady.
28 naýryzda ótken alǵashqy onlaın básekede jerlesterimiz Novosibirdiń «Sıbır» komandasynan jeńildi. QHL uıymdastyrýshylarynyń aıtýynsha, «Barys» jankúıerleri daýys berý kezinde ereje buzǵany úshin bizdiń komandadan 50 paıyz daýysty shegergen. Qorytyndy nátıje – 61 845:43 520 «Sıbırdiń» paıdasyna.