Búgin Qyzylorda oblysynda taǵy 3 adamnan koronavırýs belgileri tabyldy. Osyǵan baılanysty oblystyq densaýlyq saqtaý basqarmasynyń basshysy Jaqsylyq Ábdisámetov BAQ ókilderine jaǵdaıdy baıandap berdi.
Osydan 2 kún buryn oblysta vırýs juqtyrǵan alǵashqy turǵyn anyqtalǵan bolatyn. Kelesi, ıaǵnı, 29 naýryz kúni sol naýqas qaralǵan emhana medbıkesiniń boıynan vırýs belgileri tabylǵany belgili bolǵan.
– Al búgin tirkelip otyrǵan 3 adamnyń biri sol alǵashqy naýqaspen qarym-qatynasta bolǵan. Ekinshi azamat 20-naýryzda AQSh-tan kelgen eken. Boıynan vırýs belgisi tabylǵan úshinshi turǵyn aýrýhanaǵa qyzylshadan emdelip jatqan. Tańǵy saǵat 7:30-da laboratorııalyq zertteýler qorytyndysyn alysymen olar oblystyq juqpaly aýrýhanalar aýrýhanasyna jatqyzylyp, em-domy bastalyp ketti. Olarmen qarym-qatynasta bolǵandar naqtylanyp jatyr, – dedi oblystyń bas dárigeri.