Prezıdenti janyndaǵy Ortalyq kommýnıkasııalar qyzmetiniń alańynda tótenshe jaǵdaı kezinde elordadaǵy halyqtyń áleýmettik álsiz toptaryn memlekettik turǵyda qoldaýǵa arnalǵan baspasóz máslıhaty ótti. Jıyn brysynda Nur-Sultan qalasy ákiminiń orynbasary Bahtııar Máken elordanyń medısına qyzmetkerleri úshin qonaqúıler men kólik berilgenin jetkizdi.
«Atap aıtqanda, Nur-Sultan qalasynyń stasıonarlarynda koronovırýs ınfeksııasyn juqtyrǵan nemese juqtyrǵan adamdarmen tikeleı baılanysta bolǵandarmen jumys isteıtin medısına qyzmetkerleriniń qaýipsizdigin qamtamasyz etip, olarǵa jaǵdaı jasaý úshin qonaqúıler bólindi. Qalalyq shtab ystyq tamaqpen qamtamasyz etip, City Transportation Systems (CTS) kompanııasy 50-den astam kólik bóldi. Qalanyń emhanalary men aýrýhanalarynda jumys isteıtin medısınalyq qyzmetkerler úshin de kólik uıymdastyrylǵan. Bul qyzmetterdiń barlyǵy tegin. QR Prezıdenti Qasym-Jomart Toqaev sanıtarlyq-epıdemıologııalyq salada joǵary júkteme jaǵdaıynda jumys isteıtin medısına qyzmetkerleri úshin jańa qarjylyq qoldaý paketi bekitiletinin habarlady. Ekinshiden, №2 qalalyq emhana táýlik boıy jumys jasaıdy. №2 qalalyq emhana bazasynda jedel respıratorly vırýstyq ınfeksııasy belgileri bar pasıentterdi qabyldaý úshin observasııalyq emhana uıymdastyryldy. ORVI belgileri bar naýqastardy tek №2 qalalyq emhana qabyldaıdy. Emhanada emdelýshilerge koronavırýstyq ınfeksııaǵa zerthanalyq-dıagnostıkalyq zertteýler júrgiziledi», dedi B.Máken.
Sonymen qatar ol mundaı qıyn kezeńde túsinistikpen qabyldap, medısına qyzmetkerleriniń nusqaýlyqtaryn buljytpaı oryndaý qajet ekenin eskertti.
«О́zderińiz kórip otyrǵandaı, qalany karantınge jaýyp, qoǵamdyq tártipti saqtaýdy kúsheıtý álemdik tájirıbe. Indet oshaǵy bolǵan Qytaı halqy qıyn sátte birlik tanytyp koronavırýs qaýpin birge eńserdi. AQSh, Eýropa elderi de tártipti kúsheıtip jatyr. Bizde de koronavırýs ınfeksııasynyń taralýyn boldyrmaý úshin dezınfeksııalaý boıynsha aýqymdy jumystar júrgizilip jatyr. Adam kóp jınalatyn jerlerge erekshe kóńil bólinedi: áleýmettik nysandar, bazarlar, sýpermarketter, trotýarlar, balalarǵa arnalǵan oıyn alańdary, kireberister men t. b. dezınfeksııadan ótip jatyr. Dezınfeksııalaý is-sharalaryn ótkizýge qalalyq qyzmetterden basqa qarýly kúshterdiń bıologııalyq qorǵaý bólimshesiniń áskerı qyzmetshileri de jumyldyryldy. Tegin medısınalyq kómektiń kepildi kólemi (TMKKK) aıasynda dıspanserlik esepke alynǵan onkologııalyq aýrýǵa shaldyqqan naýqastar, júkti áıelder, jasy 65-ten asqan azamattar maskamen qamtylýda. Sonymen qatar, Nur-Sultan qalasynyń qoǵamdyq densaýlyq saqtaý basqarmasy medısınalyq mekemelerge tirkelgen turǵyndardy maskamen qamtamasyz etý maqsatynda «SK-Farmasııa» JShS-nen 300 000 medısınalyq maska aldy. Búgingi tańda alynǵan medısınalyq maskalardyń 10% turǵyndar arasynda taratylǵan. Egde jastaǵy pasıentterge volonterler men medısınalyq mekemelerdiń qyzmetkerleri maska men qajetti dári-dármekterdi úılerine jetkizip berýde. Elbasy, «Nur Otan» partııasynyń tóraǵasy Nursultan Nazarbaevtyń tapsyrmasyn qoldaý maqsatynda qalalyq eriktiler partııanyń volonterlerimen birlesip, «Birgemiz» aksııasynyń aıasynda 3,6 myńnan astam otbasyǵa: jalǵyz turatyn zeınetkerlerge, múmkindigi shekteýli azamattarǵa, halyqtyń áleýmettik jaǵynan osal toptarynyń ókilderine ataýly kómekti kórsetti. Karantın kezinde mundaı kómek 5 myńnan astam otbasyǵa kórsetiledi dep josparlanýda. Elordalyq eriktiler qaladaǵy 7 blokposttyń qyzmetkerlerine 3,5 myń respıratorlyq betperdeni taratty. Sonymen qatar qalalyq volonterler shtabynyń músheleri polısııa qyzmetkerlerimen birlesip, halyq arasynda, shaǵyn jáne orta bıznes ókilderine karantın rejıminiń buzylýyna jol bermeýge baǵyttalǵan túsindirý jumystaryn júrgizip jatyr. Budan bólek, 25 naýryzdan bastap elorda volonterleri medısınalyq qyzmetkerlerimen birlesip, dıspanserlik esepte turǵan egde jastaǵy azamattarǵa dári-dármekterdi úılerine jetkizýde. Karantın kezeńinde «Qazposhtanyń» qyzmetkerleri eriktilermen birlesip, zeınetaqyny aqshalaı alatyn azamattarǵa ony úılerine jetkizip jatyr. Memleket degenimiz siz ben biz. Biz bir birimizdi qıyn-qystaý kezeńde eshqashan umyt qaldyrmaımyz. Áleýmettik az qamtylǵan otbasylar men muqtaj azamattarǵa azyq-túlik, dári-dármek ýaqytyly jetkizilip jatyr. Bul – aýyrtpalyq kezeńi. Bir birimizdi synaıtyn emes, birligimiz synalatyn kez. Sondyqtan, tártip saqtap, kúndiz túni uıqy kórmeı aýyrǵan azamattardy emdep júrgen medısına qyzmetkerlerine úıde otyryp kómekteseıik», dedi Nur-Sultan qalasy ákiminiń orynbasary.