«Biz birgemiz» aksııasy aıasynda 3,6 myńnan astam adamǵa kómek kórsetildi. Bul týraly Nur-Sultan qalasy ákiminiń orynbasary Baqtııar Máken Ortalyq kommýnıkasııalar qyzmetindegi brıfıngte málimdedi.
Nur Otan partııasynyń Tóraǵasy Nursultan Nazarbaevtyń tapsyrmasyn qoldaý maqsatynda qalalyq eriktiler partııanyń volonterlerimen birlesip, «Biz birgemiz» aksııasynyń aıasynda 3,6 myńnan astam otbasyǵa, onyń ishinde jalǵyz turatyn zeınetkerlerge, múmkindigi shekteýli azamattarǵa, halyqtyń áleýmettik jaǵynan osal toptarynyń ókilderine ataýly kómekti kórsetken. Karantın kezinde mundaı kómek 5 myńnan astam otbasyǵa kórsetiledi dep josparlanýda. Elordalyq eriktiler qaladaǵy 7 blokposttyń qyzmetkerlerine 3,5 myń respıratorlyq betperdeni taratty. Sonymen qatar qalalyq volonterler shtabynyń músheleri polısııa qyzmetkerlerimen birlesip, halyq arasynda, shaǵyn jáne orta bıznes ókilderine karantın rejıminiń buzylýyna jol bermeýge baǵyttalǵan túsindirý jumystaryn júrgizip jatyr», - dedi Baqtııar Máken.
Budan basqa, onyń sózinshe, 25 naýryzdan bastap elorda volonterleri medısınalyq qyzmetkerlerimen birlesip, dıspanserlik esepte turǵan egde jastaǵy azamattarǵa dári-dármekterdi úılerine jetkizýde.