Batys Qazaqstan oblystyq prokýratýrasy Tótenshe jaǵdaı rejımin buzǵany úshin jaýapkershilik sharalaryn buzǵany úshin óńirde 32 adam jaýapkershilikke tartylyp, 18 adam qamalǵanyn habarlady.
«Tótenshe jaǵdaı engizilgen sátten bastap onyń sharttaryn buzǵany úshin 32 tulǵa ákimshilik jaýapkershilikke tartyldy, onyń 18-ine qatysty ákimshilik qamaqqa alý týraly sheshim qabyldandy. Ákimshilik isterdiń kópshiligi saýda jáne qoǵamdyq tamaqtaný nysandary ıeleriniń tótenshe jaǵdaı kezinde engizilgen shekteýlerdi oryndamaýymen baılanysty» delingen prokýratýra taratqan málimdemede.
Sondaı-aq karantınge jatqyzylǵan tulǵanyń stasıonardan óz betimen ketip qalǵan oqıǵa da kezdesipti. Kináli tulǵaǵa ákimshilik aıyppul salynǵan.
О́ńirde medısınalyq maqsattaǵy buıymdardy satý boıynsha 4 faktiniń joly kesildi. Buǵan qosa, koronavırýsqa baılanysty jalǵan aqparattar taratý faktileri anyqtalǵan.
3 tulǵaǵa qatysty Qylmystyq kodekstiń 274-baby boıynsha sotqa deıingi tergep-tekserý bastaldy. Sonymen qatar, koronavırýsty juqtyrǵan tulǵanyń jeke málimetterin taratqany úshin 1 qylmystyq is tirkeldi.
Prokýratýra turǵyndardyń qaýipsizdigin qamtamasyz etý úshin qabyldanǵan sharalardy túsinip, densaýlyq saqtaý basqarmasy men polısııa qyzmetkerleriniń zańdy talaptaryn oryndaýdy suraıdy.
Batys Qazaqstan