28 naýryz kúni keshke Qaraqııa aýdany polısııa bóliminiń Jergilikti polısııa qyzmeti oblystyq Departamenttiń Krımınaldyq polısııa basqarmasymen birlesip ótkizgen jedel-aldyn alý sharasy kezinde «ÝAZ» avtokóligin toqtatty. Bul týraly Mańǵystaý oblystyq Polısııa departamenti baspasóz qyzmeti habarlady.
Tekserý barysynda jalpy salmaǵy 79 keli bolatyn 20 dana bekire tuqymdas balyq anyqtalyp, tárkilendi.
Kúdiktige qatysty «Sırek kezdesetin jáne quryp ketý qaýpi tóngen túrlerge, sondaı-aq, tyıym salynǵan ósimdikter men janýarlardyń túrlerine, olardyń bólikterimen nemese derıvattarymen zańsyz aınalysý» baby boıynsha sotqa deıingi tergeý amaldary bastaldy.
Kólik aıyppul turaǵyna jabyldy.
Mańǵystaý oblysy