8 synyp oqýshysy áleýmettik jelide qaýipti indettiń Kentaý qalasyna qarasty Qarnaq aýylynda taralǵany týraly jalǵan aqparat taratqan. Jasóspirim atalǵan aýyldaǵy mektepte oqıdy.
Túrkistan oblystyq polısııa departamenti baspasóz qyzmetiniń aqparatyna qaraǵanda, 28 naýryzda Kentaý qalalyq polısııa bólimine áleýmettik jelide Qarnaq aýylynda koronavırýs juqtyrý týraly aqparat taraǵany jóninde habarlama túsken.
Jedel-izdestirý sharalarynyń barysynda kentaýlyq polıseıler jasóspirimdi ustady. Ol osy aýyldaǵy mekteptiń 8-synyp oqýshysy bolyp shyqty. Jasóspirim qylmysyn tolyq moıyndap, istegen isine ókinetinin aıtqan. Jasóspirim ata-anasynyń qadaǵalaýyna tapsyrylyp, olarmen tıisti profılaktıkalyq áńgime júrgizildi.
«Qazirgi ýaqytta polısııa qyzmetkerleri oqıǵanyń mán-jaıyn anyqtap jatyr. Sotqa deıingi tergeý amaldary júrgizilýde. Endigi jerde jasóspirimniń ata-anasy ákimshilik jaýapkershilikke tartylady» delingen habarlamada.