Azamatyn qorǵaý – elge paryz (Shekteý sharalaryna baılanysty shetelderden shyǵa almaı qalǵan otandastarymyz elge jetkizildi)

Qazirgi qıyn-qystaý kezeńde, álemdi pandemııa derti jaılaǵan tusta Qazaqstan sheteldegi otandastarymyzdy elge ákelý isine yjdaǵattylyqpen den qoıyp otyr. Atalǵan máseleni sheshýge bar kúshin jumyldyrǵan tıisti oryndardyń, onyń ishinde Syrtqy ister mınıstrligi qyzmetkerleriniń eńbegi eren. Osy oraıda, indettiń jappaı taralýyna baılanysty shetelde qalyp qoıǵan azamattarymyzdy elge ákelý jumystaryna sholý jasaýdy jón kórdik.

Elshilikterdiń eńbegi erekshe

Jalpy, búginge deıin mem­le­ke­ti­mizdiń tikeleı aralasýymen elimizge 7702 azamatymyz oraldy. Sondaı-aq 754 otandasymyz elimizge qaıtýǵa kó­mek­tesýge ótinish bildirgen. Syrtqy ister mınıstrligi keltirgen derekter­ge súıensek, qazirgi tańda shetelder­de 288 854 azamatymyz turady. Olar­dyń basym bóligi elge oralýdy keıin­ge shegerýdi jón kórgen eken. Qazaq­stannyń elshilikteri olarǵa qajetti kómek kórsetip otyr.

Koronavırýstan týyndaǵan qolaısyz jaǵdaıǵa baılanys­ty Tbı­lı­sıden elimizdiń 143 aza­maty el­ge keldi. Reıs Qazaq­stannyń Grýzııa­daǵy el­shiliginiń qoldaýymen uıymdas­tyryldy.

Jolaýshylardy reıske tir­keý jáne otyrǵyzý barysynda aza­mattary­myz sabyrlyq saqtaǵanyn atap ótken jón. Kedendik jáne shekaralyq ba­qy­laý rásiminen kedergisiz ótti. Jo­laý­shylar reıstiń keshigýine tú­sinistikpen qarap, charterlik reıstiń uıym­dastyrylǵany úshin alǵys bil­dirdi.

28 naýryzda Qazaqstannyń Lıt­­vadaǵy elshiliginiń qol­daýymen Vıl­nıýs, Kaýnas jáne Klaıpeda qala­larynda oqıtyn qazaqstandyq 15 stýdent áýeli Mınskige, sodan keıin Nur-Sul­tan men Almatyǵa kelip jetti.

Aıta ketý kerek, naýryz aıy­nyń ortasynan bastap halyq­aralyq áýe qatynastary toqta­tylǵan-dy. Sodan beri elshiliktiń qoldaýymen osy elde oqıtyn 50-den astam qazaqstandyq úılerine aman-esen oraldy. Olardyń ara­synda lıtvalyq joǵary oqý oryndarynda bilim alyp júr­gen qazaqstandyq stýdentter, «Bo­lashaq» baǵdarlamasy boıynsha taǵylymdamadan ótýshiler bar.

Sondaı-aq 28 naýryzda Qa­zaq­stannyń 44 azamaty «Belavia» áýekompanııasynyń reısi­men Barselona áýejaıynan Mınsk arqyly Nur-Sultan men Al­matyǵa ush­ty. Olardyń kópshiligi stýdent. Ara­syn­da kámelettik jasqa tolmaǵandar da bar.

Mundaı qadam Madrıdtegi Qa­zaq­stan elshiligi jáne Bar­selo­nadaǵy konsýldyq qyzmet­ker­leriniń tıimdi jumysynyń ná­tıjesinde múmkin boldy. Elshilik qyz­metkerleri Ispanııadaǵy aza­mat­tarymyzǵa kúndelikti kómek kórsetýdi jalǵastyryp jatyr.

Ispanııada pandemııanyń jyldam taralýyna baılanysty jáne reısterdiń basym kópshiligi toqtatylǵandyqtan, Qazaqstannyń Ispanııadaǵy el­shiligi Madrıdtegi Belarýs elshiligi jáne «Belavia» áýekom­panııasynyń basshy­lyǵymen Barselonadan ushýǵa bıletti satyp alǵan barlyq qazaqstandyq jolaýshyny elge ákelý úshin áýe kemesin úlkenirek túrine aýys­tyrýǵa kelisti.

Birneshe kún boıy qazaq­stan­dyq dıplomattar otandastaryn eline ushýdyń naqty joldary týraly «qolma-qol» habardar etip, tez arada bıletterdi satyp alýdy, jaǵdaıdy boljaý qıyn kez­de ushýdy keshiktirmeý kerek ekeni týraly aqparattandyryp, múm­kindikti paıdalanýǵa shaqyrdy.

Búgingi tańda qazaqstandyq dıplo­mat­tardyń kómegimen 150-den astam qazaqstandyq Ispanııadan túrli reıstermen elge jetti. Ispanııaǵa emdelýge kelgen jáne kámeletke tolmaǵan Qazaqstan Respýblıkasynyń azamattaryna erekshe kóńil bólinedi.

Chehııa da «qart qurlyqta» taraǵan indetten japa shekti. Osyǵan baılanys­ty atalǵan memlekettegi Qazaqstan elshiligi otandastarymyzdy elge jetkizý máselesin basty nazarda ustap otyr. Máselen, elshi Marat Tájınniń tapsyrmasymen dıplomattarymyz osy elde Pragadan 120 shaqyrymda ornalasqan kishigirim Behın qalasynda orta mektepte bilim alatyn qazaqstandyq balalardy evakýasııalaýdy júzege asyrdy. Elshilik qyzmetkerleri basqa qalalardaǵy otandastarymyzdy da jınap, elge jetkizýmen aınalysty. О́z kezeginde, Qazaqstanǵa oralǵan azamattar elshige jáne dıplomatııalyq mıssııa ókilderine zor alǵysyn bildirdi.

Budan bólek, qazaqstandyq dıplomattar Birikken Arab Ámirligindegi 800 qazaqstandyqqa elge oralýǵa kómek kórsetti.

Covid-19 pandemııasy aıasynda BAÁ halyqaralyq áýe reısteriniń kópshiligin ýaqytsha toqtatty. Sondaı-aq elde dezınfeksııalaý jónindegi is-sharalarǵa baılanysty avtokólik qozǵalysy da shekteldi. Soǵan baılanysty 20-28 naý­ryz aralyǵynda Qazaqstannyń BAÁ-degi elshiligi, Dýbaıdaǵy Bas konsýldyǵy jáne Ámirlikterdiń memlekettik or­ga­n­darynyń kómegimen 801 otandasymyz elge jetip aldy.

Azamattarymyzdy shetelderden qaıtarý jónindegi sharalar aıasynda Qazaqstan Respýblıkasy Qorǵanys mı­nıstrligi men Syrtqy ister mınıstr­liginiń, sondaı-aq Tájikstannyń mem­le­kettik organdarynyń birlesken kúsh-jigerimen 28 naýryzda osy memleketten otandastarymyz elge jetkizildi.

Qazaqstannyń Áskerı-áýe kúshteriniń áskerı-kólik avıasııasynyń qoldaýymen 24 azamat elge aman-esen kelip qondy. Bul azamattar Tájikstan aýmaǵynda bol­ǵan jáne tájik bıligi qatań shekteý shara­laryn engizgennen keıin shyǵa almaı qal­ǵan edi. Sonymen qatar osy bort arqy­ly Tájikstannyń 23 azamaty óz ota­nyna oraldy.

Shveısarııada 16 naýryzdan bastap tó­tenshe jaǵdaı engizilgennen beri osy eldegi elshiligimiz 26 azamatymyzdyń Shveı­sarııadan Máskeý, Ystanbul jáne Mınsk arqyly Qazaqstanǵa qaıtýyna yqpal etti. Olardyń ishinde 18 stýdent bar.

Áıtse de qazaqstandyqtardyń kóp­shi­ligi ushý kezinde aýrý juqtyrý qaýpin eskerip, Shveısarııada qalý týraly sheshim qabyldady. Elshilik Qazaqstan azamattarymen únemi baılanysta. Elshiliktiń veb-saıty, áleýmettik jeliler arqyly Qazaqstan azamattary koronavırýstyq pan­demııa kezinde Qazaqstan men Shveı­sarııada qabyldanǵan sharalar týraly aqparatty turaqty túrde alyp turady.

Dıplomattarymyz Fransııada qıyn jaǵdaıda qalǵan qazaqstandyqtarǵa da qoldaý kórsetip otyr. Fransııa COVID-19 koronavırýsyn juqtyrǵandar sany boıynsha álemdegi birinshi ondyqqa kiredi. Otandyq dıplomattar azamattarmen táýlik boıy baılanysta bolyp, elge oralýlaryna járdemdesip keledi.

Fransııadaǵy qazaqstandyqtar ne­gi­zinen joǵary oqý oryndarynyń stýdent­teri. Sonyń ishinde «Bolashaq» jáne «Abaı-Vern» baǵdarlamalarymen jáne jeke bastamamen oqyp júrgender, fransýz kompanııalary men halyqaralyq uıym­­dardyń qyzmetkerleri, jergilikti aza­mat­tar otbasylarynyń músheleri bar. Pa­rıj­den bólek, otandastarymyz Lıon, Stras­býrg, Grenobl, Monpele, Lıll jáne basqa da qalalarda turady. Olar­ǵa da elshilik qyzmetkerleri qoldaý kórsetýde.

Eki memleket arasyndaǵy tikeleı áýe qatynasy toqtatylǵannan beri (6 naýryzdan bastap) elshilik Qazaqstanǵa, negizinen «Belavıa» jáne «Aeroflot» kompanııalarynyń reısterimen 50-den astam otandasymyzdyń jáne basqa da elderden tranzıtpen kele jatqan birqatar qazaqstandyqtyń elge oralýyna járdemdesti.

Fransııa úkimeti 12 naýryzda tur­ǵyn­­dardyń júrýine qatań shekteýler engiz­geninen keıin elshilik otandastardyń suraqtaryna der kezinde jaýap berý maq­satynda táýlik boıy isteıtin «jedel jeli» ashyp, áleýmettik jelilerde aqparattyq jáne túsindirme jumysyn kúsheıtti.

Otanǵa oralý nemese Fransııadaǵy qazirgi turyp jatqan ornynda oqshaýlaný týraly sheshimdi árbir qazaqstandyq jeke ózi qabyldaıdy. Degenmen, dıplomattar jeke táýekelderin salmaqtaýǵa shaqyrady. Elge qaıtý jóninde sheshim qabyldanǵan jaǵdaıda dıplomattar shuǵyl kómek kórsetýde.

Elshilik qyzmetkerleri Fransııadaǵy otandastar «sanaǵyn» júrgizýin jal­ǵas­tyryp, olarda týyndap jatqan máse­lelerdi zerdeleýde. Osy oraıda atalǵan memlekette ýaqytsha nemese turǵylyqty turyp jatqan Qa­zaq­stannyń barlyq azamatyn konsýldyq esepke tu­rýǵa shaqyrǵan. Bul halyqaralyq qaǵıda bi­rinshi kezekte tótenshe jaǵdaılarda qaýipsizdik sharalaryn qamtamasyz etýge baǵyttalǵan.

Koronavırýstyq ınfeksııanyń jyldam taraýyna baılanysty bizdiń azamattarymyzdy shetelderden qaıtarý jónindegi is-sharalar aıasynda 27 naý­ryzda Ýkraınadan Qazaqstanǵa 76 otandasymyz sátti oraldy.

Osyndaı nátıjege qol jetkizý úshin elshiliktiń dıplomattary aýqymdy jumys atqaryp, sonyń ishinde Qazaq­stanǵa qaıtatyn azamattarymyzdyń tizimin ázirlep, «Kıev – Almaty – Kıev» baǵytynda charterlik reıs uıymdastyrý úshin tıimdi áýekompanııany anyqtaý, qazirgi álemdegi qıyn jaǵdaıda logıstıka máselesin sheshý jáne basqa da kóptegen uıymdastyrý sharasyn júzege asyrdy.

 Qıyrdaǵylar da el qamqorlyǵyn sezindi

Latyn Amerıkasy men Karıb basseıni elderine barǵan qazaqstandyqtar da otanymyzǵa oraldy. Koronavırýstyq ınfeksııanyń qarqyndy taralýyna baılanysty Qazaqstannyń Meksıkadaǵy elshiligi Latyn Amerıkasy men Karıb basseıni elderinen otandastarymyzdyń elge oralýyna kómek kórsetti.

Osylaısha, 13-25 naýryz aralyǵynda bizdiń 127 otandasymyz Domınıkan Respýblıkasynan, 4 adam Meksıkadan, 3 jolaýshy Panamadan jáne 3 azamatymyz Kosta-Rıkadan oraldy.

Atalǵan memleketterdiń halyqaralyq áýe qatynastardy toqtatý men shetel azamattaryna halyqaralyq áýejaılardaǵy tranzıttik aımaqtardan shyǵýǵa ty­ıym salýlaryna baılanysty birqatar qıyndyq oryn alǵan bolatyn. Atalǵan kedergilerge qaramastan, Mehıko men Máskeýdegi bizdiń dıplomattarymyzdyń úılesimdi áreketteriniń arqasynda Qazaqstannyń kóptegen azamatyn Máskeý arqyly tranzıtpen elimizge aman-esen jetkizý jumysy sátti uıymdastyryldy.

Koronavırýs pandemııasy aıasynda AQSh-taǵy qazirgi jaǵdaıǵa baılanysty Vashıngtondaǵy Qazaqstan elshiliginiń jáne Nıý-Iork pen San-Fransıskodaǵy Qazaqstan Bas konsýldyqtarynyń kómegimen AQSh aýmaǵyndaǵy 55 otandasymyz elge qaıtaryldy.

Birqatar halyqaralyq áýe reısiniń bolmaýyna jáne sheteldikter úshin tranzıttik aımaqtardyń jabylýyna baılanysty bizdiń kóptegen azamatymyz Qazaqstanǵa ushyp shyǵý múmkindiginen aıyryldy.

Osy jaǵdaıdy nazarǵa ala otyryp, Qazaqstannyń AQSh pen Reseıdegi elshilikteri birlesip, otandastarymyzdyń Nıý-Iorkten Máskeý arqyly tranzıtpen ushýyn uıymdastyrdy. Buǵan deıin osy baǵyt boıynsha elimizdiń 33 azamaty aman-esen elge oralǵan-dy.

О́z azamattarymyzdy shetelderden qaı­tarý jónindegi is-sharalar aıasynda Qazaqstan Respýblıkasy Qor­ǵanys mınıstrligi men Syrtqy ister mı­nıstrliginiń, sondaı-aq Saýd Arabııa­synyń memlekettik organdarynyń bir­les­ken kúsh-jigeriniń arqasynda 24 naý­ryzda osy elden bizdiń otandastarymyz elge qaıta­ryldy.

Qazaqstannyń Áskerı-áýe kúshteri áskerı-kólik avıasııasynyń atsalysýy­men Qazaqstannyń 33 azamaty Saýd Arabııasynan jáne 2 azamatymyz Ký­veıtten Djıdda – ál-Kýveıt – Aqtaý baǵyty boıynsha aman-esen úılerine oraldy. Bul azamattar Koroldiktiń aýmaǵynda bolǵan jáne Saýd bıligi COVID-19 taralýyna qarsy sharalar qabyldaý aıasynda shekteý sharalaryn engizip, halyqaralyq áýe, jer ústi jáne teńiz qatynastaryna tolyq tyıym salý saldarynan elden shyǵa almaı qalǵan-dy.

Qazirgi ýaqytta Saýd Arabııasynyń aýmaǵynda Qazaqstan Respýblıkasynyń 100-ge jýyq azamaty óz erkimen qaldy. Olardyń kópshiligi kelisimshart bo­ıynsha Koroldiktiń túrli qalalarynda jumys isteıdi. Sonyń ishinde týrıstik vızamen barǵan jáne Mekke men Medıne qalalarynda ýaqytsha júrgen 11 adam bar. Elshilik pen Bas konsýldyq atalǵan azamattarmen turaqty baılanysta.

Otandastarymyzdy Qazaqstanǵa qaı­tarý boıynsha qabyldanyp jatqan sharalar aıasynda Polshaǵa otandyq SCAT áýe kompanııasynyń arnaıy charterlik reısi jiberildi.

Polsha bıligi engizgen rejim men shekarasynyń jabylýyna qaramastan, Varshavadaǵy Qazaqstan elshiliginiń kúshimen qazaqstandyq jolaýshylardy otanymyzǵa qaıtarý týraly kelisimge qol jetkizilgenin atap ótken jón.

Bizdiń dıplomattarymyzdyń, In­dýs­trııa jáne ınfraqurylymdyq damý mınıstrligi qyzmetkerleriniń, sondaı-aq jergilikti bılik pen qazaqstandyq áýe kompanııasy ókilderiniń úılesimdi ju­mysy nátıjesinde ushýyn birneshe kún boıy kútip otyrǵan 207 jolaýshy Qa­zaqstanǵa sátti oraldy. Jolaýshylardyń basym bóligi Eýropada oqıtyn qazaq­standyq stýdentter.

 Shekteýlerge qaramastan elge jetkizildi

18-22 naýryz aralyǵynda Qazaq­stan­nyń Bakýdegi elshiliginiń jáne Ázer­baıjannyń memlekettik organdarynyń qoldaýymen osy elden Qazaqstanǵa 51 otandasymyz aman-esen jetip aldy.

Osylaısha, 19-22 naýryz aralyǵynda Baký portynan Aqtaý qalasyna paromdyq qatynas arqyly 41 adam keldi. Qazaqstannyń 10 azamaty elge Bakýden Máskeý arqyly Qazaqstannyń úsh qalasy – Almaty, Nur-Sultan jáne Atyraýǵa áýe qatynasymen oraldy. 23 naýryzda Bakýden Aqtaý portyna elimizdiń taǵy 13 azamaty parommen jetkizildi.

Qazaqstan dıplomattarynyń kúsh-jigerimen Úndistan jáne Ońtústik-Shyǵys Azııanyń birqatar elinen azamattarymyz elge oraldy. Úndistan bıliginiń halyqaralyq reısterdi júzege asyrýǵa tyıym salǵanyna qaramastan, 17-22 naýryz aralyǵynda Delıdegi Qazaqstan elshiliginiń dıplomattary bizdiń 538 azamatymyzǵa Qazaqstanǵa qaıtýǵa qoldaý kórsetti.

17 naýryzda qazaqstandyq «Kompas Tour» týroperatorynyń charterlik reı­simen Goa shtatynan Almatyǵa 204 Qa­zaqstan azamaty keldi. Qalǵan 77 jo­laýshy Goa – Delı – Almaty baǵy­tymen elge oraldy. Sonymen qatar 204 qazaqstandyq Shrı-Lan­ka­dan «Tý­rıstik Qamqor» qory uıym­das­tyrǵan char­terlik reıspen shyǵaryldy. Taǵy eki otan­dasymyzǵa osy eldiń astanasy Kolom­bodan ushyp shyǵýǵa járdem kórsetildi. 10 qa­zaq­standyq týrıst Maldıv Res­pýb­lıkasynan Male – Más­keý – Al­maty baǵytymen ushyp ketti.

Qazaqstannyń Malaızııadaǵy elshiligi bizdiń azamattarymyzǵa qandaı da bir aıyppul sanksııalaryn tólemeı, bılet merzimin aýystyrýǵa kómek kór­setti. Sonymen qatar Malaızııadaǵy dıp­lo­mattarymyzdyń kómegimen 22 naýryzda Air Astana áýekompanııasynyń Kýala-Lýmpýr – Almaty baǵyty boıynsha turaqty reısimen 158 jolaýshy, sonyń ishinde Indonezııa men Sıngapýrdan 80 tranzıttik jolaýshy oraldy.

Elshilik pen Air Astana áýe kom­panııasynyń qyzmetkerleri áýejaıda atal­mysh jolaýshylarǵa ystyq tamaq uıym­dastyrdy. Áýe kompanııasynyń aqpa­raty boıynsha Kýala-Lýmpýr – Almaty baǵytyndaǵy sońǵy reıs 29 naýryzǵa josparlanǵan.

Naýryz meıramy qarsańynda shet­elderden 800-den astam otandasymyz úıine keldi. 22 naýryzda Qazaqstannyń Mysyrdaǵy elshiliginiń dıplomattary bizdiń týrısterdi Sharm ál-Sheıh – Almaty baǵyty boıynsha charterlik reıske otyrǵyzýǵa qolǵabys kórsetti.

Bizdiń týrıster úshin Scat áýe kom­panııasy uıymdastyrǵan charterlik reıs­ke dıplomattardyń kúshimen Kaır jáne Aleksandrııa qalalarynda ýaqytsha bolǵan (turǵan) azamattarymyzdyń ishinen qosymsha jolaýshylar otyrǵyzylǵanyn atap ótemiz. Júrgizilgen jumystyń nátıjesinde 235 azamatymyz elge oraldy.

Sondaı-aq Túrkııada qazaq­stan­dyq dıplomattar elimizdiń 536 azamatyn elge jiberýge kómek kórsetti. Olar Ystanbul áýejaıynyń tranzıttik aımaǵynda jınalǵan otandastarymyzdy jóneltý jóninde aıtarlyqtaı aýqymdy jumys júrgizgenin atap ótken jón. Budan bólek, 32 azamatymyz Majarstan men Omandaǵy dıplomattardyń qoldaýymen elge jiberildi.

Sonymen qatar 20-21 naýryzda Qa­zaqstannyń Dýbaıdaǵy Bas konsýl­dy­ǵynyń (BAÁ) dıplomattary bizdiń azamattarymyzdy otanyna qaıtarý boıynsha júrgizilip jatqan jumystar aıasynda týrısterimizdi Dýbaı – Almaty (2 reıs) jáne Dýbaı – Nur-Sultan baǵyttary boıynsha reısterge otyrǵyzýdy júzege asyrdy.

Atalǵan reısterge dıplomattardyń kúshimen el aýmaǵynda júrgen qosymsha jolaýshylar qosylǵan. Atqarylǵan ju­mystardyń nátıjesinde bizdiń 463 azamatymyz elge oraldy. Bas konsýldyq qalǵan otandastarmen turaqty baılanysta jáne olarǵa qajetti kómek kórsetýde.

Jalpy, otandastarymyzdy shetelderden qaıtarý barysynda qazaqstandyq áskerı qyzmetshilerdiń de eńbegi erekshe. Olar shetelde túrli qıyn jaǵdaılarda qalǵan otandastarymyzǵa tikeleı kómek kórsetedi.

Qoryta aıtqanda, Syrtqy ister mı­nıs­trligi atqaryp jatqan sharýa shash-etekten. Osy oraıda, elimizdiń dıplo­matııalyq qyzmetkerlerine aldaǵy jumysyna sáttilik tilegendi jón kór­dik. Tólqujatymyzda «Pasport Qazaq­stan Respýblıkasynyń menshigi bolyp tabylady, al onyń ıesi Qazaqstan Respýb­lıkasynyń qorǵaýynda bolady» dep anyq kórsetilgen. Iаǵnı qıyn-qystaý ke­zeń­de qalǵan árbir azamatymyzdy qorǵaý, kómek kórsetý – memlekettiń basty min­deti. Bul turǵydan alǵanda, Syrt­qy ister mınıstrligi qyzmetkerleri bul mindetti adal atqaryp keledi.