Mańǵystaý oblysynyń Polısııa departamenti azamattardyń ómiri men densaýlyǵyn qorǵaý, koronavırýstyq ınfeksııanyń (COVID-19) taralýyna jol bermeý jáne aldyn alý maqsatynda oblys aýmaǵyndaǵy is-qımyldar algorıtmin ázirledi.Bul týraly Mańǵystaý oblystyq Polısııa departamenti baspasóz qyzmeti habarlady.
Bul algorıtmde turǵyndardyń páterden, úılerden shyǵýyn shekteý, tek qajet bolǵan jaǵdaıda ǵana (azyq-túlik dúkenderine, dárihanalarǵa, qoqys shyǵarýǵa jáne jumysqa) ruqsat etý kózdelgen. Sondaı-aq dúkenderde jáne dárihanalarda turatyn nemese jumys ornyna tikeleı jaqyn jerde azyq-túlik taýarlaryn, dárilik preparattardy jáne medısınalyq buıymdardy satyp alýǵa, jumys ornynan anyqtama ne uıymdar úshin qyzmettik kýálik bolǵan jaǵdaıda turǵylyqty jerinen jumys ornyna deıin jáne keri qaraı júrýge quqyǵy bar. Qajet bolǵan jaǵdaıda polısııa qyzmetkeri jeke basyn kýálandyratyn qujatty kórsetýdi suraıdy, kóshede bolý maqsatyn anyqtaıdy, tekserý úshin kórsetilgen orynǵa deıin shyǵaryp salady.
Sonymen qatar, azamattardyń qoǵamdyq oryndarda: saıabaqtar, skverler, jaǵalaýlar, kóshe balalar oıyn alańdary jáne azamattardyń basqa da demalys oryndary sııaqty bolýyn shekteý kózdelgen, jaǵdaı boıynsha úı janýarlaryn turǵylyqty jerine jaqyn jerde serýendetýge ruqsat etiledi.
Mańǵystaý oblysy aýmaǵynda tótenshe jaǵdaı áreket etken kezeńde 65 jastan asqan adamdarǵa osy algorıtmniń 1-tarmaǵynda kórsetilgen jaǵdaılardy qospaǵanda, asa qajetsiz kóshege shyǵýdy shekteý usynylsyn.
Tótenshe jaǵdaı men karantın qoldanylatyn kezeńde belgilengen joǵaryda kórsetilgen talaptardy buzý ne oryndamaý anyqtalǵan kezde tıisti ákimshilik sharalar qabyldanatyn bolady. Tótenshe jaǵdaı rejımi buzylǵan jaǵdaıda azamattar QR ÁQBtK-niń 476-baby boıynsha ákimshilik jaýapkershilikke tartylýy múmkin, ıaǵnı tótenshe jaǵdaı rejımin buzý týraly azamattar eskertiledi.
Azamattardyń qoǵamdyq oryndarda, saıabaqtarda, skverlerde jáne t.b. jerlerde bolýyna jol bermeý maqsatynda polısııa engizilgen shekteýlerdi saqtaý boıynsha patrýldeý uıymdastyrdy.
Mańǵystaý oblystyq Polısııa departamenti ata-analardy óz balalarymen úı esikterin, otbasy múshelerinen basqa beıtanys adamdarǵa páterlerin ashýǵa bolmaıtyndyǵy týraly aldyn alý áńgime júrgizýin suraıdy. Balalar kanıkýlda bolǵandyqtan, tártip erejelerine sáıkes balalardy baqylaý suraldy.
Mańǵystaý oblysy