Búgingideı qysyltaıań tirlikte urlyq ta óristep ketedi eken. Dana qazaqtyń «jut jeti aǵaıyndy» degeni ras-aý. Sońǵy kezde ǵana Petropavldyń dúkenderinen tapa-tal túste úsh urlyq bolǵany tirkelip, áıteýir olardyń bári de ashyldy.
Sonyń ishinde 25 jasar áıel dúkennen urlap alyp shyqqan kýrtkany satyp turǵan jerinde qolynan ustaldy. Aldynda, úsh apta buryn ǵana sol áıel sol dúkennen kýrtka urlap, ustalǵan eken. Endi taǵy da sol qylmysyn aınytpaı qaıtalaǵan. Abyroısyzdyq degenniń de shegi bolmaıdy eken-aý...
19 jasar jas ury da urlyqtyń ońaı tásilin oılap taýypty. Ol ólshep kórmek bolyp, birneshe kýrtkany alyp, shymyldyqpen jabylatynyn aınanyń aldyna barǵan. Sol jerde urlaıtyn zattarynyń chıpin julyp tastap, ústine kıip alǵan da, syrtynan óziniń eski kýrtkasyn ilip alypty. Dúkenshiler qyraǵylyq tanytyp, odan kúdik alyp, qolynan ustaǵan eken. Saýda ornynyń ıesi polısııaǵa aryzdanǵan.
Qazir ustalǵandar boıynsha sotqa deıingi tergeý bastaldy. Bul eki jaǵdaıdaǵy keltirilgen shyǵynnyń orny toltyrylyp, taraptar kelisimge keldi. Qazaqstan Respýblıkasy Qylmystyq kodeksiniń 187-babymen 80 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 80 saǵatqa deıingi merzimge qoǵamdyq jumystarǵa tartýǵa ne 20 táýlikke deıingi merzimge qamaqqa alý kózdelgen.
PETROPAVL