Túrkistan qalasynyń turǵyny О́zbekstan Respýblıkasynda óndirilgen betperdelerdiń 1 danasyn 150 teńgeden satqan. Onyń zańsyz áreketin Qarjy mınıstrligi Qarjy monıtorıngi komıtetiniń oblys boıynsha Ekonomıkalyq tergeý departamenti qyzmetkerleri anyqtap, jedel izdestirý sharasy barysynda kúdikti retinde 1990 jyly týǵan áıel ustaldy.
Memlekettik kirister departamentine kásipker retinde tirkelmegen jáne eshqandaı qujaty joq kúdiktiden jalpy kólemi 1 mıllıon 250 myń teńge bolatyn 8350 dana medısınalyq betperde tárkilendi. Eldegi tótenshe jaǵdaı kezinde zańsyz áreketke barǵan azamatsha Ákimshilik quqyqbuzýshylyq kodeksiniń 463-baby 1-bóligine sáıkes, ákimshilik jaýapkershilikke tartyldy. Qazirgi tańda tárkilengen medısınalyq betperdelerdi oblystyq Qoǵamdyq densaýlyq saqtaý basqarmasyna ótkizý máselesi qarastyrylýda.
Túrkistan oblysy