Elimizdegi karantın rejımi mádenı mekemelerdiń jumysyn toqtatqanymen, halyqtyń ónerden qol úzip qalmaýy úshin birqatar óner oshaqtary óz kórermenin qashyqtyqtan-aq án-jyrmen sýsyndatyp otyr. Aıtalyq, Almatydaǵy Jambyl atyndaǵy Qazaq memlekettik fılarmonııasy óziniń tyńdarmandary úshin onlaın konsertter qoıýda.
Áleýmettik jelidegi uıymnyń Instagram jáne Facebook resmı paraqshalary arqyly tikeleı efırde 30 - naýryz kúni Baqytjan Baıqadamov atyndaǵy memlekettik hor kapellasynyń ártisteri Jiger Sahanov pen Jannat Raqmetovanyń konserti ótti.
Búgin, ıaǵnı 31 - naýryz kúni Qazaqstannyń mádenıet qaıratkeri Erjan Alımbetovtyń "Kúı sóılesin" konserti jeli arqyly kórermenge jol tartty.
Igi shara aldaǵy kúnderi jalǵasa bermek. Tyńdarmandar sáýirdiń 4 kúni Qazaqstan Respýblıkasynyń memlekettik úrmeli aspaptar orkestriniń solısi Igor Blagodarnyıdyń, 12 - sáýir kúni Qazaqstannyń eńbek sińirgen qaıratkeri Gúljan Úzenbaevanyń (fortepıano), 15 - sáýir halyqaralyq baıqaýlardyń laýreaty Erkebulan Saparbaevtyń (skrıpka) konsertin tamashalaı alady. Bastalýy 17:00-de.