31 naýryz kúni elimizde koronavırýs indetin juqtyrǵan taǵy 41 adam tirkeldi. Atap aıtqanda, Nur-Sultan qalasynda – 9, Qyzylorda oblysynda – 13, Almaty qalasynda 9 jaǵdaı tirkelse, Atyraý oblysynda – 3, Soltústik Qazaqstanda – 2, Pavlodar, Atyraý, Aqtóbe, Aqmola jáne Túrkistan oblystarynda 1 naýqastan anyqtaldy.
Iаǵnı Qazaqstanda COVID-19 ınfeksııasyn juqtyrǵan naýqastardyń jalpy sany 343 adamǵa jetip otyr. Nur-Sultan qalasynda – 178, Almaty qalasynda – 82, Atyraý oblysynda – 16, Qaraǵandy oblysynda – 13, Aqmola oblysynda – 10, Aqtóbe, Jambyl jáne Soltústik Qazaqstan oblystarynda 3 naýqas anyqtalsa, Shyǵys Qazaqstan, Batys Qazaqstan oblystary men Shymkent qalasynda 2 naýqastan tirkelgen. Sondaı-aq Almaty oblysynda aýrý juqtyrǵandardyń sany – 8, Qyzylorda oblysynda 18 bolsa, Mańǵystaý, Pavlodar jáne Túrkistan oblystarynda 1 naýqastan anyqtaldy. Taǵy bir aıtary, elordalyq 16, almatylyq 8 pasıent emdelip, jazylyp shyqty.
О́kinishke qaraı, koronavırýstan taǵy bir naýqas Nur-Sultan qalasynda kóz jumdy. 50 jastaǵy azamat aýrýhanaǵa aýyr jaǵdaıda túsken. Dárigerler tynys alý júıesiniń jetkiliksizdigi men eki jaqty pnevmonııa bolǵanyn aıtady. Qant dıabeti, ınsýlınge táýeldiligi men arterııalyq gıpertenzııasy da naýqastyń jaǵdaıyn aýyrlata túsken. Qabyldaǵan qarqyndy terapııaǵa qaramastan, naýqasta polıorgandyq, ıaǵnı tynys alý, júrek jáne búırek jetispeýshiliginiń belgileri arta túsken. 31 naýryz kúni saǵat 03.30-da naýqastyń júregi toqtaǵan.