Tótenshe jaǵdaı kezinde jandaryn shúbereke túıip jumys bastaǵan sharýa qaýymynyń eńbegin erekshe baǵalaýymyz kerek. Ásirese, qyrda jer jyrtyp, dán egip jatqan dıqandar úshin qazir qarbalas. «Kóktemniń ár kúni – jylǵa azyq» degen naqyldyń naqty is júzine asatyn kezeńi jetisýlyq sharýalar úshin de jaýapkershilikpen bastaldy.
Jalpy, bıyl Jetisý topyraǵynda jaıqalyp ósetin egistik kólemi jyldaǵydan ulǵaıdy. Iаǵnı, dándi daqyldar alqaby ótken jylmen salystyrǵanda 4,9 myń gektarǵa kóbeıip, 966,5 myń gektarǵa jetýi tıis. Qazir oblys sharýalary osyǵan kúsh salyp otyr. Bıyl aımaqtaǵy kóktemgi dala jumystary 10 naýryzda bastaldy. Búginge deıin 157,4 myń gektar jer jyrtylyp, barlyǵy 51,0 myń gektarǵa dán egilgen. Onyń ishinde 21,5 myń ga arpa men bıdaı, 15,1 myń ga jazdyq daqyl sebý jumysy aıaqtalyp, jalpy kólemi 36,6 myń gektardaǵy jumys tııanaqtalǵan. Sondaı-aq, 3,3 myń gektarǵa maqsary, 2,3 myń gektarǵa kartop, 4,7 myń gektarǵa kókónistiń barlyq túri, 2 myń gektarǵa baqsha daqyldary jáne 4,9 myń gektarǵa mal azyǵy úshin shabylatyn bir jyldyq, kópjyldyq shóp egilgen eken. Dıqandar kúzdik daqyldyń da qamyn kúıttep qoıǵan. Mysaly, jalpy 109,6 myń gektar jer jyrtylyp, oǵan 97 myń gektar bıdaı, 12,4 myń gektar arpa egilgen. Al dıqandar osy kúzdik daqyldarǵa 223,2 myń tonna tuqym jumsapty.
Tuqym demekshi, oblys sharýalaryna qajetti tuqymdy «Jetisý» áleýmettik kásipkerlik korporasııasy satyp alyp otyr eken. Bıyl oblystaǵy 548 sharýa qojalyǵyna qajetti qant qyzylshasynyń joǵary surypty tuqymy birinshi kezekte alynypty. Bul tuqym 14,2 myń gektar egis alqabyna jetýi tıis. Jalpy, «Jetisý» korporasııasy kóktemgi dala jumystaryn júrgizý úshin suranys bergen sharýalarǵa 167,1 mln teńgeniń jeńildetilgen nesıesin bergen.
Aıtpaqshy, qazir oblystyń aýylsharýashylyǵy alqaptaryndaǵy kóktemgi dala jumysyn 33,8 myń birlik tehnıkaatqaryp júr eken. Iаǵnı, dıqandardy qajetti traktor men qosalqy tehnıkamen qamtý deńgeıi 97 paıyzǵa jetken. Osy qarqynmen egistiktegi qaýyr tirlikti 25 mamyrǵa deıin tolyq aıaqtaý mindeti tur.
Almaty oblysy