Bul týraly Mańǵystaý oblystyq Polısııa departamenti basshysynyń birinshi orynbasary Amangeldi Qalmuratov málimdedi.
Elimizde tótenshe jaǵdaıdyń engizilýine baılanysty óńirde birqatar jumystar atqarylýda. Polısııa departamenti men ákimdik birigip, indettiń aldyn alý úshin blokposttar qoıdy.
Máselen, Beıneý aýyly Boranqul stansııasyna - 1, Túpqaraǵan aýdanynda - 1 jáne Jańaózen qalasynda - 2 blokpost qoıyldy. Blokposttardy qoıýdaǵy maqsat – halyqqa túsindirý jumystaryn júrgizý jáne jolaýshylardyń densaýlyǵyn tekserý.
Sonymen qatar, QR Prezıdentiniń tótenshe jaǵdaı jarııalaýyna baılanysty, kafe, barlardyń jumys isteý rejımin buzǵany úshin 28 adam ákimshilik jaýapkershilikke tartyldy. Aqtaý qalasynda anyqtalǵan 18 ákimshilik quqyq buzýshylyqtar negizinde 5 tulǵa ákimshilik qamaýǵa alynyp, 1 tulǵaǵa qatysty 10 aılyq eseptik kórsetkish mólsherinde aıyppul salyndy. Jańaózen qalasynda anyqtalǵan 6 ákimshilik quqyq buzýshylyqtar negizinde 3 tulǵaǵa qatysty 10 aılyq esptik mólsherde aıyppul salynyp, 3 tulǵa ákimshilik qamaýǵa alyndy. Úı karantınine ornalastyrylǵan tulǵalarmen belgilengen rejımdi buzǵany úshin Aqtaý qalasynyń 1 turǵyny jaýapkershilikke tartyldy. Basqa anyqtalǵan quqyq buzýshylyqtar boıynsha zańdy sheshim qabyldaý maqsatynda sot oryndaryna joldandy.
Polısııa departamentiniń qyzmetkerleri turǵyndardy oblysta engizilgen shekteý sharalaryn qatań ustanýǵa shaqyrady. Tártip buzylǵan jaǵdaıda ákimshilik jaýapkershilikke tartylatynyn eskertedi.