Bul týraly qoǵamdyq kommýnıkasııa ortalyǵynda ótken brıfıngte Qarjy naryǵyn retteý jáne damytý agenttiginiń Aqtaý qalasyndaǵy óńirlik ókilder basqarmasynyń basshysy Nurtas Mashanov málimdedi.
Bul tártip barlyq ekinshi deńgeıdegi bankterge, lombardtarǵa, onlaın-kredıtteý kompanııalaryn, kredıttik seriktestikterge, mıkroqarjylyq qyzmetti júzege asyratyn uıymdarǵa qatysty qoldanylady.
Jeke tulǵa nemese shaǵyn jáne orta bıznes ókilderi ótinishin 2020 jyldyń 16 naýryz – 15 maýsym aralyǵynda bere alady. Bul halyqtyń áleýmettik jaǵynan osal toptaryna jatatyn azamattaryna, ataýly áleýmettik kómek alýshylarǵa, tirkelgen jumyssyzdarǵa merzimin keıinge shegerý avtomatty túrde júzege asyrylady.
- Basqa azamattar kredıttik uıymǵa ýaqytsha jumysqa jaramsyz, aqysy tólenbeıtin eńbek demalysynda bolý, eńbek qatynastaryn toqtatý, jalaqy tóleýdi toqtata turý nemese basqa da sebepterin kórsete otyryp ótinish jasaı alady. Jeke tulǵalardan rastaıtyn qujattar usynýy talap etilmeıdi, alaıda asyra paıdalanýdy boldyrmaý úshin kredıttik uıym jeke tulǵanyń qarjylyq jaǵdaıynyń nasharlamaǵany týraly aqparat bolǵan jaǵdaıda tólemderdi toqtata turýdan bas tartý týraly sheshim qabyldaýy múmkin, - dedi Qarjy naryǵyn retteý jáne damytý agenttigi Aqtaý qalasyndaǵy óńirlik ókilder basqarmasynyń basshysy Nurtas Mashanov.
Shaǵyn jáne orta bıznes sýbektileri ózderiniń qarjylyq jaǵdaıynyń nasharlaǵanyn rastaıtyn qujatty qosa bere otyryp bankke nemese mıkroqarjy uıymyna ótinish jasaýy qajet. Tólemderdi toqtata turý banktik qaryz, mıkrokredıt jáne kepil sharttaryna qosymsha kelisimderge qol qoımaı júzege asyrylady. Tólemderdi toqtata turý kezeńi tártiptiń talaptaryna sáıkes keletin qaryz alýshylar boıynsha shaǵym-talap qoıý jumysy toqtatylady. Aıta keteıik 2020 jylǵy 16 naýryz – 15 maýsym aralyǵyndaǵy kezeńde kredıttik uıymdar tólemderdi toqtata turý týraly ótinishti qaraǵany nemese tıisti sharttardy ózgertkeni úshin qaryz alýshylardan komıssııalar men ózge tólemderdi almaıdy.
Mańǵystaý oblysy