Bul týraly qoǵamdyq kommýnıkasııa ortalyǵynda ótken brıfıngte «Mańǵystaý» temirjol vokzalynyń basshysy Alma Aıymqulova habarlady.
20 naýryzdan bastap Nur-Sultan jáne Almaty qalalarynda karantın engizilgenine baılanysty, «Mańǵyshlaq – Nursultan» baǵytyndaǵy poıyzynyń sońǵy beketi bolyp Atbasar belgilense, «Mańǵyshlaq – Almaty» baǵytyndaǵy jolaýshylar poıyzy tek Shý beketine deıin júrdi. Atalǵan baǵyttar 30 naýryz kúni jolaýshylardy tasýdy toqtatty.
Sondaı-aq, jergilikti «Mańǵystaý – Beıneý» baǵytyndaǵy poıyz da 30 naýryz kúni sońǵy ret jóneltildi. Aıta keteıik, 1 sáýirden bastap Mańǵystaýdan Atyraý, Aqtóbe qalalaryna qatynaıtyn barlyq poıyzdar toqtaıdy.
О́z kezeginde, Alma Aıymqulova tótenshe jaǵdaı aıasynda vokzaldyń jumys isteý tártibin, saqtyq sharalaryn aıtyp ótti. Kelip-ketýshi jolaýshylardyń barlyǵyn ekpıdemıologtar arnaıy qural-jabdyqtarmen, teplovızorlarmen tekseretinin málimdedi.
- Osy kúnge deıin vokzalda koronavırýstyq ınfeksııa anyqtalǵan joq. Qyzmetkerlerimiz ben jolaýshylardyń qaýipsizdigi tıisti mamandardyń jiti baqylaýynda, - dedi Alma Aıymqulova.
Mańǵystaý oblysy