Bul týraly elorda ákiminiń orynbasary Malıka Bekturova telegram kanalyna jazdy
«Sergek» trafıginiń ındeksi 2020 jyldyń 12 naýryzynan bastap elorda joldarynda kólik sany 71%-ǵa azaıǵanyn kórsetedi.
Salystyrý úshin «Sergek» júıesiniń karantınge deıingi jáne TJ jarııalanyp, karantın engizilgennen keıingi qalypty kúnderindegi qalalyq trafıktiń derekteri paıdalanyldy.
«Karantınnen buryn kez kelgen jumys kúni bul kórsetkish – 0,5 ballǵa teń bolǵan, al túnde, qala tym-tyrys kezde – 4.6 ballǵa jetetin. Karantın kezinde qalalyq qyzmetterdiń, polısııanyń, jedel járdemniń, tamaq jetkizý jáne taǵy basqa qyzmetterdiń kólik qozǵalysyn esepke alsaq, eń joǵary bal 4,5-ǵa teńesýi múmkin» dep jazady M.Bekturova.
Keshendi sharalar men qala turǵyndarynyń sana-seziminiń arqasynda qalalyq belsendilikti tómendetýge jáne azamattardyń ózin-ózi qorǵaýyn arttyrýǵa qol jetkizildi. Osy jumysty ári qaraı jalǵastyryp, kúsh biriktirý arqyly vırýstyń taralýyna tosqaýyl bolaıyq!