2020 jyldyń 1 sáýirinen bastap iri janarmaı quıý stansııalarynda benzın jáne dızel otynynyń bólshek baǵasy tómendep jatyr. Naýryz aıynan bastap benzın jáne dızel otynynyń ishki naryqtaǵy kóterme baǵasy tómendep, shamamen 10%-dy qurady. Bul týraly Atameken kásipkerler palatasy habarlady.
Negizgi sebep – munaı jáne munaı ónimderine álimdik baǵa belgileýdiń túsýi, sondaı-aq Úkimettiń tótenshe jaǵdaı kezeńinde bıznesti qoldaý boıynsha sharalar paketin bekitýi.
Sonymen qatar Qazaqstanda benzın baǵasyna benzın jáne dızel otyny boıynsha aksızdeletin taýarlardy óndirýshilerdi aksızderdi tóleýden bosatý (31.12.2020 jylǵa deıin) jáne Reseıden Qazaqstanǵa benzın men dızel otynyn temirjolmen tasymaldaýǵa tyıym salý áser etti. Al munaı ónimderin shyǵarýǵa kedendik salyqqa keletin bolsaq, bul baǵytta nólge teńeý josparlanǵan.
Qazirgi tańda dızel otyny eldiń barlyq óńirinde 7-8 teńgege arzandaǵan, al AI-92 markaly benzınge baǵa óńirler boıynsha eń tómengi shek – 150-155 teńgege jetti.
«Atameken» sarapshylardyń aıtýynsha, munaı jáne munaı ónimderine álemdik taýar naryqtarynda baǵalardyń kúrt tómendeýi jaǵdaıynda Qazaqstannan eksporttalatyn munaı ónimderi ekonomıkasynyń tıimdiligi tómen.
Qazirgi naryqtyq ahýal Qazaqstannyń munaı sektoryna ońaı tıip jatqan joq. Otandyq munaıdy óndirýdiń ózindik qunyn, sondaı-aq munaıdy ken ornynan munaı naryqtaryna tasymaldaýǵa jumsalǵan shyǵyndar jáne Qazaqstan Respýblıkasynyń qoldanystaǵy salyq stavkalaryn esepke alsaq, munaıdy ótkizýdiń ekonomıkalyq tıimdiligi nólge teń.
Sáıkesinshe qazaqstandyq jer qoınaýyn paıdalanýshylar álemdik naryqtyń qyspaǵynda qalyp otyr. Jýyq arada qazaqstandyq munaıǵa jaǵymsyz baǵanyń qalyptasýynyń qateri joǵary.
Atalǵan problemaǵa Kanadanyń munaı óńdeýshi kásiporyndary tap boldy. Mundaı jaǵdaıda munaıshylar munaı óndirýdi tolyǵymen toqtatýǵa májbúr bolady. Al mundaı jaıt ken oryndaryndaǵy óndiristiń toqtaýyna, jumys oryndarynyń qysqarýyna ákeledi. Qazaqstannyń munaı salasynda 150 myńnan astam qazaqstandyq jumysshy eńbektenedi.