UWW erkin kúresten naýryz aıynda úzdik tórttikke engen balýandar tizimin jarııalady. Atalǵan reıtıngte qazaqstandyq sportshylar da bar dep habarlady UOK baspasóz qyzmeti.
Atap aıtar bolsaq, 65 kıloda álem chempıonatynyń fınalısi Dáýlet Nııazbekov reıtıngte úshinshi orynda keledi. Ol Reseı jáne Úndistan balýandaryn alǵa jibergen. 70 kıloda álem chempıonatynyń kúmis júldegeri Nurǵoja Qaıpanov ta alǵashqy úshtikte. Jas balýan Reseı men Polsha sportshylarynyń izimen keledi.
74 kıloda Azııanyń eki dúrkin jeńimpazy Danııar Qaısanov úshinshi orynda tur. Qaısanov áıgili Frank Chamızo (Italııa) men reseılik Zaýrbek Sýdakovtan az ǵana upaıǵa qalyp qoıǵan. 79 kılo salmaqtaǵy Ǵalymjan О́serbaev reıtıngtiń úshinshi satysynda. Bul salmaqta AQSh pen Ázerbaıjan balýandary kósh bastap tur.