Megapolıste indet juqtyrǵan eń alǵashqy adam anyqtalǵannan beri, 2 sáýirge deıin dert 90 adamnan tabyldy. Degenmen, Almatyda qazirgi ýaqytta koronavırýstyq ınfeksııa juqtyrǵany rastalyp, saýyǵyp shyqqandar sany – 11 adam. Bul týraly búgingi onlaın-brıfıngte Almatydaǵy Qoǵamdyq densaýlyq basqarmasy basshysy Tileýhan Ábildaev málimdedi.
Búgin, 2 sáýirdegi túske deıingi jaǵdaı tómendegideı: ınfeksııalyq stasıonarlarda Almaty oblysynyń 1 pasıentin qosa alǵanda, 80 adam emdelip jatyr, onyń ishinde 1 bala bar.
68 naýqastyń jaı-kúıi – qanaǵattanarlyq. 2 eresek adamnyń jaı-kúıi – aýyr, 10 eresek adamnyń jaı-kúıi ortasha aýyrlyq deńgeıinde (1 oblystyq).
Barlyq emdeýge jatqyzylǵandardyń ishinde eki jaǵdaı – buǵan deıin anyqtalǵan pasıenttermen baılanysta bolǵan adamdar.
Jańadan KVI juqtyrǵandarmen baılanysta bolǵandar tabylǵan jáne oqshaýlandy.
Keshe Almatyda Covid-19-dan saýyǵyp, taǵy bir pasıent aýrýhanadan shyǵaryldy.
Qazirgi ýaqytta provızorlyq ortalyqtarda barlyǵy 619 adam bar, onyń ishinde 81-i bala bar.
Eki kúndik karantındik oqshaýlaýda 520 adam jatyr, onyń ishinde 50-i bala.
Úı karantıninde 3853 azamat bar.