Naýryz aıynda Elemesovter otbasyna súıinshi habar birden birneshe elden jetti: Adelınanyń álemdegi eń bedeldi ýnıversıtetterge qabyldanǵany týraly resmı hattar, dep habarlaıdy atalǵan mekteptiń baspasóz qyzmeti.
Plıýsh Lıgasynyń Kolýmbııa jáne Kornell sııaqty eń áıgili ýnıversıtetteri qazaqstandyq túlekti stýdent retinde qabyldaýǵa daıyn. Sonymen qatar talapty jas Northwestern University (AQSh), Amherst College (AQSh), YaleNUS (Sıngapýr), Duke Kunshan University (Qytaı) oqý oryndarynan shaqyrtý aldy.
Búgingi kúni Adelına Elemesova qaı ýnıversıtetti tańdaıtynyn sheshýde, alaıda ol óziniń mamandyǵy ǵylym jáne jasandy ıntellektpen baılanysty bolatynyn naqty biledi.
Nur-Sultan qalasyndaǵy Halyqaralyq bakalavrıat (IB) Nazarbaev Zııatkerlik mektebiniń 12-synyp oqýshysy Adelına Elemesova – eriktiler qozǵalysynyń jáne TEDx jobalardyń belsendi qatysýshysy, tennısten qalalyq jáne respýblıkalyq týrnırlerdiń chempıony.