Aqtaý qalasyndaǵy Nazarbaev Zııatkerlik mektebiniń ujymy oblys ortalyǵyndaǵy «Hıýaz», «Álııa», «Mánshúk» balabaqshalaryna qorǵanys betperdelerin syılady. Osylaısha ustazdar qaýymy #Bizbirgemiz jalpyhalyqtyq aksııasyna úles qosty, dep habarlaıdy atalǵan mekteptiń baspasóz qyzmeti.
Mektep ákimshiliginiń usynysymen óner pániniń muǵalimi Almagúl Jumaeva balabaqshalardaǵy qyzmetkerlerge arnap 60 betperde tikti. Qorǵanys quraldary ár balabaqsha mamandaryna 20 danadan taratyldy. Balabaqsha qyzmetkerleri mundaı qaıyrymdylyqqa máz bolyp, mektep ujymyna alǵys bildirdi.
- Betperdeni kóptep tikkimiz kelgen. Biraq, qazirgi tańda materıal tapshylyǵy baıqalady. Sol sebepti múmkindigimizge qaraı qaıyrymdylyq jasaýdy uıǵardyq, - deıdi óner pániniń muǵalimi, tiginshi Almagúl Tımýrqyzy.