Fýtboldan Soltústik Amerıkanyń Major League Soccer (MLS) lıgasynda baq synaıtyn «Fıladelfııa Iýnıon» klýbynyń oıynshysy koronavırýs ınfeksııasyn juqtyrdy. Klýb basshylyǵy onyń atyn atamaýdy jón sanaǵan. Bul atalǵan lıgada dertti juqtyrǵan birinshi fýtbolshy.
Klýbtyń baspasóz qyzmetiniń habarlaýynsha, ázirge fýtbolshyda arýdyń jeńil belgileri baıqalady. Sondaı-aq ol ózin jaqsy sezinedi jáne ózgelerden oqshaýlanǵan. Al klýbtyń basqa fýtbolshylarynan vırýstyń belgileri baıqalmaǵan.
Koronavırýs pandemııasyna baılanysty MLS 12 naýryzdan bastap matchtardy ýaqytsha toqtatty jáne komandalarǵa jattyǵý jasaýǵa tyıym salǵan.
Álem boıynsha búginde 30-dan asa fýtbolshy koronavırýs juqtyrsa, úsheýi dertinen aıyqqan. Olar: Paýlo Dıbala («Iýventýs»), Mıkel Arteta («Arsenal» klýbynyń bas bapkeri) jáne Pepe Reına («Aston Vılla»).