Sporttyq atýdan halyqaralyq federasııa COVID-19 indetine baılanysty nysana kózdeý jáne stend atýdan ótetin jasóspirimder arasyndaǵy álem chempıonatyn keıinge shegerdi dep jazady Olympic.kz.
Jasóspirimder arasyndaǵy álemdik syn 11-19 shilde aralyǵynda Germanııanyń Zýl qalasynda ótýi tıis bolatyn. Sonymen qatar 2-9 maýsym kúnderi Mıýnhen (Germanııa) qalasynda ótedi dep josparlanǵan nysana kózdeýden álem kýbogy kezeńi de belgisiz merzimge aýystyryldy.
Al mamyr aıynda Úndistanda ótýi tıis nysana kózdeý men stend atýdan álem kýbogy kezeńderin aýystyrý týraly málimdeme áli shyqqan joq.