Bıyl oblystyń aýyl sharýashylyǵy salasyn qoldaýǵa jergilikti jáne respýblıkalyq bıýdjetten 37 mıllıard teńge kóleminde sýbsıdııa bólindi.
Qoldaý sharalary shaǵyn sharýa qojalyqtarynyń ıelerin de qamtyp otyr. Memleket basshysynyń 31 naýryzdaǵy málimdemesine sáıkes dıqanshylarǵa qoldaý retinde memleketten 100 mıllıard teńge bólinedi. Bul da sharýalarǵa der kezinde kórsetilip otyrǵan zor qoldaý.
Fermerler úshin bıyl da memleketten qoldaý zor. Memleket basshysy aýylsharýashylyǵymen aınalysatyn qurylymdar úshin bıýdjetten 70 mıllıard teńge bólinetinin jetkizdi. Bul sheshim sharýalardyqanattandyryp otyr.
–Memleket basshysynyń tapsyrmasymen Úkimetten Aqmola oblysyna 68 myń tonna arzandatylǵan dızeldi otyn bólindi. Naýryzdaǵy qajettilikti biz satyp aldyq. Búginde onyń qunyn arzandatý máselesi qarastyrylyp jatyr. Qazirde tonnasyn 174 myń teńgeden satý boıynsha hattama keldi. Dızel otynynyń bir lıtri 165-168 teńgeden satylady. Bul aýyl sharýashylyǵy ónimderin arzandatyp satýǵa da múmkindik beredi,–deıdi oblystyq aýyl sharýashylyǵy basqarmasy basshysynyń mindetin atqarýshy Dımash Talasbaev.
Búginde Aqmola oblysynyń sharýalary kóktemgi egis naýqanyna qyzý daıyndyq ústinde. Oblys sharýalaryna búginde 527 myń tonna kóleminde tuqym qajet. Karantın jaǵdaıynda ony jetkizýde eshqandaı kedergi bolmaıdy. Sebebi, oblystyq ákimdik janyndaǵy arnaıy shtab kóktemgi egis naýqanyna qajet taýardy jetkizý úshin arnaıy ruqsat qaǵazdaryn beredi. Oblystyq aýylsharýashylyǵy basqarmasy sharýalardy kóktemgi egis naýqanyn júrgizýde qaýipsizdik sharalaryn qatań saqtaýdy shaqyrady.
Aqmola oblysy