«Batys» óńirlik qolbasshylyǵynyń áskerı qyzmetshileri Atyraý qalasynda 135 750 sharshy metrden astam jerdi óńdep, 100-den asa túrli nysandardy zararsyzdandyrdy. Bul týraly atalǵan qolbasshylyqtyń baspasóz qyzmeti habarlady.
Atyraýda Qazaqstan Qarýly Kúshteriniń áskerı qyzmetshilerimen qoǵamdyq oryndarǵa keń kólemde dezınfeksııa júrgizýde. Aǵymdaǵy jyldyń 25 naýryzynan bastap Atyraý qalasynda Jılgorodok, Leshoz, Nursaıa, Avangard-2,3,4 yqsham aýdandarynda, sonymen qatar Q.Sátpaev kóshesiniń boıyndaǵy úılerdiń ýchaskelerinde sanıtarlyq sharalar aıaqtaldy.
Dezınfeksııa turǵyn úılerdiń jáne oǵan irgeles aýmaqtardyń, oıyn alańdarynyń, alańdar men saıabaqtardyń, memlekettik mekemelerdiń, bazarlardyń, temirjol vokzaldarynyń jáne áýejaıdyń ýchaskelerinde júrgizildi.
Qyzmet kórsetý úshin personal arnaıy jabdyqtarmen, gazsyzdandyratyn qorǵanysh jıyntyqtarymen, sondaı-aq «Rýbej» markaly dezınfeksııalyq eritindilermen qamtamasyz etilgen.
-Áskerıler jeke qorǵanys kostıýmderinde jumys isteıdi. Jýǵysh zattardy óńdeý úshin «Rýbej» dezınfeksııalyq eritindisi bar jeke gazsyzdandyrý jıyntyqtary qoldanylady. Ol adamdar men janýarlar úshin qaýipsiz jáne 5 saǵatqa deıin áreket etedi. Zararsyzdandyrý úshin reagentterdi qajetti kólemde ARS-14 avtokólik quıý stansııalary qamtamasyz etedi, deıdi «Batys» óńirlik qolbasshylyǵynyń RHB qorǵanys áskerleriniń bastyǵy Almas Nesipqalıev.
Aıta ketsek, karantın rejımin qamtamasyz etý sharalary aıasynda Atyraý qalasyna 195-ten astam ásker jumyldyrylǵan. Koronavırýstyń taralýyn boldyrmaý úshin Qorǵanys mınıstrligi qalalardaǵy kóshelerdi, ǵımarattar men halyq kóp jınalatyn jerlerdi sanıtarlyq tazartý úshin radıasııalyq, hımııalyq jáne bıologııalyq qorǵanys qondyrǵylarynyń áskerlerin jiberdi.
Mańǵystaý oblysy