Qyrǵyz elinde koronavırýstan alǵash ret adam kóz jumdy. Bul týraly baýyrlas eldiń aqparat agenttikteri habarlady.
«Keshe Osh oblysynyń Noqat aýmaqtyq aýrýhanasynda naýqas qaıtys boldy. 61 jastaǵy ol shetelden kelgen. Naýqastyń sozylmaly dertteri asqynǵan», delingen habarlamada.
Sonymen birge, Qyrǵyz elinde búgin jańa vırýstyń taǵy 9 deregi tirkelip otyr. Tórt naýqastyń jaǵdaıy aýyr, bireýi jasandy tynys alý apparatyna qosylǵan. Jalpy, búginde Qyrǵyzstanda koronavırýstyń 125 faktisi rastalǵan bolsa, naýqastardyń beseýi saýyǵyp shyqty. 1,9 myń adam qaýipti indetke shaldyqqandarmen baılanysta bolǵan.