Búgin, 3 sáýir kúni tańerteńge deıin Almatyda koronavırýstyq ınfeksııany juqtyrýdyń rastalǵan 91 jaǵdaıy tirkeldi.
Qazirgi ýaqytta ınfeksııalyq stasıonarlarda 79 pasıent emdelip jatyr. Olardyń bireýi – Almaty oblysynyń turǵyny.
66 naýqastyń jaı-kúıi – qanaǵattanarlyq. 2 eresek adamnyń jaǵdaıy – aýyr, 11 eresek adamnyń densaýlyǵy – ortasha aýyr (olardyń bireýi oblystan).
Jańadan anyqtalǵan jaǵdaı buryn juqtyrǵandarmen baılanysta bolǵan.
Búgin ınfeksııalyq stasıonardan koronavırýstyq ınfeksııadan saýyquan taǵy eki pasıent aýrýhanadan shyǵaryldy. Bul eki áıeldiń biri 15 naýryzda Ystambul-Almaty reısimen, ekinshisi 22 naýryzda Mysyrdan ushyp kelgen.
Jalpy, saýyǵyp aýrýhanadan shyǵarylǵandar sany – 13 adam, onyń ishinde ekeýi bala. Provızorlyq ortalyqtarda búginde 613 adam karantınde jatyr, onyń 79-y bala. Eki kúndik karantınde 446 azamat, úı karantıninde – 4411 adam bar.