Birikken kúres álemi naýryz aıynda reıtıngte kósh bastaǵan sportshylar tizimin jarııalady. Grek-rım kúresinen úzdik 10 balýannyń qatarynda birneshe qazaqstandyq balýan da bar.
Jańarǵan reıtıngtegi Qazaqstandyq balýandar arasynda eń úzdik kórsetkish 55 kılodaǵy álem chempıonatynyń kúmis júldegeri Jaqansha Horlanǵa tıesili. Ol álem reıtınginde ekinshi orynǵa jaıǵasqan. Bul salmaqtyń kóshin Grýzııa balýany Nýgzarı Sýrsýmııa bastap tur.
Byltyr elimizde ótken álem birinshiliginde qola júlde oljalaǵan 60 kılodaǵy Meırambek Aınaǵulov reıtıngte 6-orynda tur. Ol birinshi orynda turǵan japonııalyq balýannan 53 upaı artta qalyp qoıǵan.
Tórt álem chempıonatyna qatysyp, bir kúmis, úsh qola medal jeńip alǵan Almat Kebispaev (63 kg) qazir quramanyń sózsiz úzdik balýany. Ony reıtıngtegi nátıjesinen-aq baıqaýǵa bolady. Kebispaev qazaqstandyq balýandar arasynda birinshi, álemdik reıtıngte jetinshi orynda.
2018 jylǵy Azııa chempıony Ashat Dilmuhamedov (77 kg) reıtıngte TOP-10 balýannyń tizimin qorytyndylap tur. 87 kılodaǵy Azamat Qystybaev ótken reıtıngpen salystyrǵanda bir saty tómendep, 6-orynǵa jaıǵasqan.
Al 67, 72, 82, 97 jáne 130 kılo salmaqta óner kórsetetin balýandarymyzdyń nátıjesi kóńil kónshitpeıdi. Sebebi osy salmaqtarda beldesetin birde-bir balýanymyz reıtıngte úzdik 10 balýannyń tizimine enbegen.