Koronavırýske shaldyqqan fýtboldan Túrkııa quramasynyń burynǵy qaqpashysy Rıýshtý Rechber sol dárttten birte-birte aıyǵyp keledi.
«Rechber koronavırýs dertine shaldyqty» degen habar barsha túrkııalyq jankúıerlerge jaısyz tıdi. Ol – shyn máninde óz eliniń ulttyq batyry. 46 jastaǵy Antalıa óńiriniń týmasy 1988-2012 jyldar aralyǵynda «Antalıaspor», «Fenerbahche», «Beshıktash» jáne Ispanııanyń «Barselonasynda» óner kórsetti.
1992-2012 jyldar aralyǵynda Rıýshtý Túrkııanyń ulttyq komandasynyń qaqpasyn qorǵady. Sol aralyqta 120 ret jasyl alańǵa shyǵyp, rekordtyq kórsetkishke qol jetkizdi. Anadoly eliniń órenderi 2002 jyly álem chempıonatynda, 2003 jyly konfederasııa kýbogynda jáne 2008 jyly Eýropa birinshiliginde qola medaldi oljalaǵany kópshiliktiń esinde. Mine, dál sol kezderi qaqpany Rechber qorǵaǵan. Onyń qol jetkizgen basqa da tabystary jeterlik.
Rıýshtý Rechber aýrýhanaǵa asa aýyr halde túsken edi. Desek te Allanyń qalaýy jáne dárigerlerdiń kómeginiń arqasynda syrqattyń beti beri qarady. Qazirgi kezde ol jansaqtaý bóliminen kádimgi bólmege aýysty. Aq halatty abzal jandardyń aıtýynsha, kún ótken saıyn áıgili qaqpashynyń jaǵdaıy jasqaryp keledi.