Elimizde MÁSQ-tan beriletin tólemge ótinish berýge arnalǵan qosymsha servıs iske qosylǵan bolatyn. Atalmysh servıs Prezıdent Ákimshiliginiń tapsyrmasy boıynsha Eńbek jáne halyqty áleýmettik qorǵaý mınıstrligi PÁ janyndaǵy quramyna IT-sarapshylary men IT-kompanııalary kiretin IT-shtabymen birlese otyryp Qazaqstannyń Sıfrlyq damý, ınnovasııalar jáne aeroǵarysh ónerkásibi mınıstrliginiń kómegimen tótenshe jaǵdaı kezeńinde tabysynan aıyrylýǵa baılanysty Memlekettik áleýmettik saqtandyrý qorynan (budan ári – MÁSQ) beriletin tólemderge ótinish berýshiler úshin quryldy.
Servıs Enbek.kz elektrondyq eńbek bırjasynyń alańynda ornalasqan. Sonymen, MÁSQ-tan eń tómengi jalaqy – 42 500 teńge mólsherinde tólemge ótinish berý úshin kelesi qadamdardy oryndaý qajet:
1) 42500.enbek.kz saıtyna kirińiz;
2)«járdemaqy alý 42 500» tańdańyz;
3) ótinish berýshiniń aty-jóni, JSN, IBAN nemese jumys berýshiniń BSN, elektrondy poshtasy kórsetilgen nysandy (forma) toltyryńyz;
4) nysandy (forma) jiberý kerek;
5) júıe telefon nómirin suraıdy;
6) telefon nómirin SMS arqyly jiberilgen kodpen rastaý;
7) ótinish jiberildi.О́tinishti óńdep, «Azamattarǵa arnalǵan úkimet» memlekettik korporasııasy» KEAQ derekterin teksergennen keıin, ótinish berýshi qabyldanǵan sheshim týraly SMS-habarlama alady, aqparat tólemdi taǵaıyndaý jáne tóleý úshin MÁSQ-qa jiberiledi.
Esterińizge sala keteıik, tótenshe jaǵdaılar kezinde tabysynan aıyrylý jaǵdaıyna baılanysty MÁSQ-tan áleýmettik tólem kelesi sanattaǵy azamattarǵa taǵaıyndalyp otyr.
- orta, shaǵyn jáne mıkrobıznes sýbektileriniń qyzmetkerleri;
-jeke kásipkerler (budan ári – JK);
- jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) (budan ári – JP);
-biryńǵaı jıyntyq tólemdi tóleýshiler;
- nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar (budan ári – AQS) boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdar;
- karantın engizilgen eldi mekenderdegi iri bıznes sýbektileriniń qyzmetkerleri. О́tinimderdi qarastyrýdyń jáne áleýmettik tólemderdi taǵaıyndaýdyń jalpy merzimi – 3 jumys kúni.