Qyzylorda oblysynda ınfeksııa juqtyrǵandar qatary taǵy 2 adamǵa kóbeıdi. Bul týraly óńirlik kommýnıkasııa qyzmeti alańynda ótken onlaın brıfıngte oblystyq densaýlyq saqtaý basqarmasynyń basshysy Jaqsylyq Ábdisámetov habarlady.
-Olar Qarmaqshy jáne Shıeli aýdanynyń turǵyndary. Ekeýi de áıel adam, biriniń jasy 32-de, ekinshisi 26 jasta. Osymen oblysta vırýs juqtyrǵandar sany 28-ge jetti. Olarmen qarym-qatynasta bolǵan 662 adam anyqtalyp otyr,– dedi oblystyń bas dárigeri.
Basqarma basshysy barlyq naýqastyń da jaǵdaıy qalypty ekendigin, jańadan tirkelgen ınfeksııa oshaqtarynda sanıtarlyq-dezınfeksııalyq jumystar júrgizilgenin aıtyp ótti.