Búgin tańerteń Túrkııada bolǵan Qazaqstan azamattary mingen reıs Pavlodarǵa kelip qondy. Borttaǵy 125 adamnyń kóbi Pavlodar oblysynyń turǵyndary dep habarlady búgin Memlekettik komıssııanyń jedel shtaby.
Shtab taratqan málimetterge qaraǵanda, bortty arnaıy kostıým kıgen sanıtarlyq epıdemıologııa qyzmetiniń ókilderi kútip aldy, árqaısysynyń temperatýrasyn ólshep, koronavırýs belgileri bar-joǵyn tekserdi. Kelgen azamattar jeke málimetteri tolyq kórsetilgen saýalnama toltyrdy. Jolaýshylardyń barlyǵy oqshaýlaý ornyna jetkizildi. Ushyp kelgen azamattardyń árqaısysynan qajetti taldaý alyndy, onyń nátıjesi bir táýlikten soń belgili bolady.